+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Біркөлік шатқалында адасып кеткен 3 жасөспірім құтқарылды

2021 жылғы 18 маусым 19:24
Бөлісіңіз:
Біркөлік шатқалында адасып кеткен 3 жасөспірім құтқарылды

БІРКӨЛІК. ҚазАқпарат – Түркістан облысының құтқарушылары Біркөлік тау шатқалында адасқан 3 жасөспірімді құтқарды, деп хабарлайды ҚазАқпарат ҚР Төтенше жағдай министрлігіне сілтеме жасап.

«2021 жылы 17 маусымында сағат 17.00 шамасында 3 жасөспірім Түркістан облысы Төле би ауданының Екпінді ауылынан 15 шақырым жердегі «Біркөлік» тау шатқалына көтерілген. Алайда қараңғы түскен соң жасөспірімдер адасып, ата-аналарына хабар береді. Ата-аналар балаларының жоғалғаны туралы «112» нөміріне хабарлады. Адасқандардың бірі – 2003 жылы туған азамат тауға көтерілгенде құлап, сол аяғын сындырып алған», - дейді ТЖМ ресми өкілі Талғат Уәли.

Құтқарушылар дереу оқиға орнына барып, жарақат алған жасөспірімге алғашқы дәрігерлік көмек көрсетті.

Үш жасөспірімді таудан түсіріп, жедел-жәрдем бригадасының қызметкерлеріне тапсырды.

Құтқару жұмысына Түркістан облысы ТЖ департаментінен 11 құтқарушы мен 3 дана техника, жедел-жәрдем бригадасынан 3 қызметкер мен 1 техника жұмылдырылған.

«Төтенше жағдайлар министрлігі ескертеді! Тауға серуенге шықсаңыз, бейтаныс жермен жүрмеңіз, өз күшіңізді бағалаңыз. Тауға шыққанда ыңғайлы киім киіңіз. Арнайы аяқ киім кигеніңіз абзал. Таулы аймақ қауіпті екенін естен шығармаңыз», - дейді Талғат Уәли.



Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT