Бірінші жартыжылдықта Brent маркалы мұнай бағасы 48 % қымбаттады

БАКУ. ҚазАқпарат – Azeri Light маркалы Әзербайжан мұнайының бір баррелінің бағасы әлемдік нарықта $3,5 немесе 2,79%-ға өсіп, $128,8 жетті, деп хабарлайды ҚазАқпарат меншікті тілшісі.

Әзербайжан мемлекеттік бюджетінде биылғы мұнай бағасы $85 деңгейінде бекітілген еді. Бұған дейін Azeri Light мұнайының ең төменгі бағасы 2020 жылы 21 сәуірде ($15,81), ал ең жоғары бағасы – 2008 жылы шілдеде ($149,66) тіркелген болатын. Мұнай бағасы жұма күні ОПЕК+ отырысының қорытындысы қарсаңында күрт төмендегеннен кейін және АҚШ экономикасы өсуінің баяулауына байланысты қауіптен кейін өсе бастады. Лондондағы ICE Futures биржасында Brent маркалы мұнайдың қыркүйек айындағы фьючерстері $2,61-ға (2,39%), баррелі $111,63 қымбаттады.

Нью-Йорк тауар биржасының (NYMEX) электрондық сессиясында тамыз айында WTI фьючерсінің құны 1 шілде қорытындысы бойынша $2,34-ға (2,21%) - бір баррелі $108,10 дейін өсті. Бірінші жартыжылдықта Brent 48%-ға, WTI-41%-ға қымбаттады.