Біріккен Араб Әмірліктері COVID-19 жұқтырғандарды анықтау үшін иттерді пайдалана бастады

НҰР- СҰЛТАН. ҚазАқпарат – Біріккен Араб Әмірліктерінің полициясы коронавирус жұқтырған адамдарды анықтау үшін иттерді пайдалана бастады, деп хабарлайды ҚазАқпарат Al Arabiya телеарнасына сілтеме жасап.

Белгілі болғандай, полицейлер өткізген бірнеше сынақ кезінде иісшіл иттер корнавирус жұқтырған адамдарды дәл анықтаған.

«COVID-19 індетін анықтау оқиғалары (иттермен) 92 пайызды көрсетті»,- делінген ведомоство мәлімдемесінде.

Тест екі апта бойы бірнеше аурухана аумағында жүргізілген.

Телерананың атап өтуінше, әбден машықтанған иттер көшелердегі, сондай-ақ вокзал және әуежай секілді адамдар топтасқан орындарда патрульдеу кезінде індет жұқтырғандарды анықтай алады.