+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Бірғаным Әйтімова: Қасым-Жомарт Тоқаев - жұмысына да, шешімдеріне де берік адам

2019 жылғы 23 сәуір 16:42
Бөлісіңіз:
Бірғаным Әйтімова: Қасым-Жомарт Тоқаев - жұмысына да, шешімдеріне де берік адам

НҰР-СҰЛТАН. ҚазАқпарат - Бүгін «Nur Otan» съезі Қасым-Жомарт Тоқаевтың кандидатурасын бекітті. Осыған орай, ҚР Парламент Сенатының депутаты Бірғаным Әйтімова өзінің бұрынғы басшысы туралы айтып берді, деп хабарлайды ҚазАқпарат тілшісі.

«Меніңше, басқа кандидаттарға қиындау болады. Себебі Қасым-Жомарт Тоқаев - өз жұмысына да, шешімдеріне де берік адам. Сосын өте жауапты әрі сауатты. Барлық салаларды жақсы біледі. Халықаралық деңгейде де солай. Біріккен Ұлттар Ұйымында жұмыс істегенде өзін кәсіби менеджер ретінде көрсете білді. Аталған ұйымның Женевадағы бөлімшесін жаңғыртуға үлкен үлес қосты. Сол себепті оны «relable» (сенімді адам - авт.) ретінде мойындады. Ол кез келген бағдарламаны басқаруды ғана емес, оны іске асыру тетіктерін де біледі», - деді Б.Әйтімова журналистерге берген сұхбатында.

Сенатор «Nur Otan» партиясының атынан президент сайлауына Қасым-Жомарт Тоқаевтың кандидатурасы ұсынылатынын іштей жорамалдаған. Сол себепті съезде еш іркілмей, кандидат үшін дауыс берді.

«Елбасы Нұрсұлтан Назарбаевты әлем бойынша мойындайды. Ол Қасым-Жомарт Тоқаевты президенттікке ұсынса, оған сенуге әбден болады. Сосын мен өзім Тоқаев мырзаның қарамағында жұмыс істедім және оны адам ретінде жақсы білемін. Мәселен, бүгін Қасым-Жомарт Тоқаев адалдық пен әдептілік туралы айтты. Ол - өзі де сондай адам. Оны сенімді түрде айта аламын», - деп атап көрсетті Б.Әйтімова.

Айта кетейік, бүгін Елбасы «Nur Otan» партиясынан ҚР Президенттігіне үміткер ретінде Қасым-Жомарт Тоқаевтың кандидатурасын ұсынды. Ал партия төрағасы Нұрсұлтан Назарбаев кандидатты қолдауға қатысты бірқатар тапсырмалар берді. «Nur Otan» съезі Қасым-Жомарт Тоқаевтың кандидатурасын бірауыздан бекітті.

Біздің каналымызға жазылыңыз:

Бөлісіңіз:

Автор:

Арман Асқаров

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT