Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Бір топ мемқызметші Алғыс хатпен марапатталды - Ақмола облысы

2019 жылғы 20 маусым 23:37 773
Бөлісіңіз:
Бір топ мемқызметші Алғыс хатпен марапатталды - Ақмола облысы

КӨКШЕТАУ. ҚазАқпарат - Көкшетауда Мемлекеттік қызметші күніне орай, саланың дамуына сүбелі үлес қосқан бір топ мемлекеттік қызметшіге құрмет көрсетіліп, Алғыс хат табыс етілді, деп хабарлайды ҚазАқпарат тілшісі.

«Көкшетау» мәдениет сарайында өткізілген салтанатты шара шымылдығы мемлекеттік қызметке жаңадан келген жастардың ант қабылдау рәсімімен ашылып, Ақмола облысының әкімі Ермек Маржықпаев құттықтау сөз сөйледі.

«Халықтық реформаларды жүзеге асыру үшін сапалы білімге ғана емес, сонымен қатар жұмыс тәжірибесіне ие кәсіби мемлекеттік аппарат қажет. Әрбір мемлекеттік қызметші мемлекеттік саясаттың жолсерігі, себебі оның мойнына отансүйгіштіктің, адалдықтың және сатылмаушылықтың эталоны болу сияқты ауыр міндет артылған» - дей келе, аймақ басшысы саланың дамуына сүбелі үлес қосқан бір топ мемлекеттік қызметшіні Алғыс хатпен марапаттады.

Сонымен қатар, ҚР Мемлекеттік қызмет істері агенттігінің Ақмола облысы бойынша департаментінің басшысы Берген Беспалинов, облыстың Мемлекеттік қызмет басқармасының бірінші басшысы, «Құрмет» орденінің иегері Марат Құлмағамбетов сөз сөйлеп, әріптестерін құттықтады және абырой биігінен көріне берулеріне тілектестігін білдірді.

 «Халықтың сенімі мен игілігі үшін атқарылатын барлық бастамалар бізден тиісті жауап күтуде. Біз жаңашылдық пен алға қойылған мақсатты дұрыс түсіну сияқты элементтерді мемлекеттік қызметке жеткізу арқылы әлдеқайда ұйымшыл, мобильді, күрделі істерді тындыра алатын мемлекеттік қызметшілер қатарынан табылуымыз керек», - деп атап өтті ҚР Мемлекеттік қызмет істері агенттігінің Ақмола облысы бойынша департаментінің басшысы Берген Беспалинов.

Айта кету керек, Мемлекеттік қызметші күнін мерекелеу аясында Департаменттің бастамасымен бірқатар маңызды іс-шаралар ұйымдастырылуда. Мәселен, «Қайырымды іс» акциясы шеңберіндегі қайырымдылық шаралары, «Жаңа ағаш» акциясы шеңберіндегі экологиялық жағдайды жақсарту мақсатында ағаш отырғызу, аймақтарды қоқыстан тазарту жұмыстары, спорттық-мәдени іс-шаралар жүргізілуде. Алғаш рет әкімшілік мемлекеттік қызметшілер арасында волейболдан облыстық чемпионаттың үздіктері анықталып, Павлодар қаласында өтіп жатқан волейболдан мемқызметшілер арасындағы республикалық турнирде Ақмола облысының атынан бақ сынауда.

Мемлекеттік басқарудың алдыңғы қатарлы тәжірибесін тарату, үздік кәсіби білімдері мен дағдылары бар мемлекеттік қызметшілерді айқындау және мадақтау, ынталандыру жүйесін дамыту мақсатында дәстүрлі түрде ұйымдастырылатын «Қазақстан Республикасының үздік мемлекеттік қызметшісі» байқауына облысымыздың мемлекеттік қызметшілері белсенді қатысуда.

 

 

Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT