10:50, 17 Қаңтар 2021 | GMT +6
Бір тәулікте коронавирус пневмониясының 94 жағдайы тіркелді
НҰР-СҰЛТАН. ҚазАқпарат – Елімізде коронавирус пневмониясының жаңа жағдайлары тіркелді, деп хабарлайды ҚазАқпарат.
«15 қаңтар күні коронавирус инфекциясының белгілері бар пневмонияның 94 жағдайы және 4 өлім жағдайы тіркелді. Оған қоса 151 адам емделіп шықты», - делінген coronavirus2020.kz сайтындағы ақпаратта.
1 тамыздан бері коронавирус пневмониясына барлығы 46 831 адам шалдықты, оның ішінде жазылып шықты – 34 573 адам. Қайтыс болды - 538 науқас.
Бұған дейін хабарлағанымыздай, өткен бір тәулікте Қазақстанда коронавирустың жаңадан 978 жағдайы анықталды. Сондай-ақ 600-ге жуық адам жазылып шықты.
Эпидахуалды бағалау матрицасының мәліметіне сәйкес, 17 қаңтар күні «қызыл» аймаққа 5 өңір енгізілді.