09:23, 21 Қаңтар 2022 | GMT +6
Бір күнде коронавирус пен пневмониядан 7 адам көз жұмды
НҰР-СҰЛТАН. ҚазАқпарат - ҚР Денсаулық сақтау министрлігі соңғы тәулікте коронавирустан қайтыс болғандар статистикасын жариялады.
Оған сәйкес, 19 қаңтар күні Қазақстан аумағында 6 адам - коронавирустан, тағы бір сырқат - пневмониядан қайтқан.
Коронавирустан ажал құшқандардың ең көбі Нұр-Сұлтан қаласында - 2 адам.
Сондай-ақ, Алматы, Шымкент қалалары мен Ақмола, Ақтөбе облыстарында - бір адамнан көз жұмды.
Жамбыл облысында бір науқас пневмониядан қайтыс болды.
Еліміздің басқа өңірлерінде қайғылы жағдайлар тіркелген жоқ.