Бір аптада 40 мың адам жол ережесін бұзды – ІІМ
«Жол қозғалысын қадағалау барысында 40 577 тәртіп бұзу фактісі, оның ішінде 340 автокөлікті мас күйінде басқару, 3 564 – жылдамдықты шамадан тыс арттыру, 126 – жолдың қарсы бетіне шығып кету, 836 – бағдаршамның тыйым салу белгісіне қарамай өтіп кету болды», - деді ҚР Ішкі істер министрлігінің ресми өкілі Нұрділдә Ораз министрлікте өткен онлайн брифингте.
239 жүргізуші темір жол бөлігінен өту тәртібін бұзған, ал жаяу жүргіншілер арасында 5 921 ереже бұзушылығы анықталды.
«Оған қоса, 701 қоғамдық көлік жүргізушілерінің жол ережесін бұзғаны анықталды. Шара барысында 2 864 шақырым жол қауіпті учаске анықталды, 426 жол белгісі қойылды», - дейді ресми өкіл.
Айта кетейік, 26 қараша күні ҚР Ішкі істер министрлігі, аумақтық органдар мен ішкі істер бөлімшелері және қылмыстық-атқару жүйесі департаменттері алғаш рет «ZOOM» платформасы арқылы азаматтарды бірыңғай қабылдау күнін өткізеді.