Бір апта бұрын Шымкенттен қашып кеткен сотталушы Қызылордада ұсталды

АСТАНА. ҚазАқпарат - Қызылорда қаласының орталығында мерзімін өтеуден жалтарған сотталушы ұсталды, деп хабарлады Оңтүстік Қазақстан облысы бойынша қылмыстық-атқару жүйесі (ҚАЖ) департаментінен.

«29 жастағы сотталушы (ауыр қылмысты жасағаны үшін 3 жылға сотталды) ИЧ-167/10 қоныс колониясында жазасын өтеуден жалтарды. Ағымдағы жылдың 20 мамырында ол жұмыс нысанын тастап, белгісіз бағытта кетіп қалған», - деп атап өтті әңгімелесу барысында Оңтүстік Қазақстан облысы бойынша ҚАЖ департаментінің бастығы Бақытжан Қуандықов.

«ҚАЖ департаменті қызметкерлері қашқынның ізімен жүрді деп айтуға болады. Ақыры, сауатты жүргізілген іздеу шаралары сотталушының республика аймақтарында белсенді жылжығанына қарамастан нәтижелі аяқталды. Енді жылжып жүру құқығын пайдалану рұқсат етілген сотталушы түзеу мекемесіне қайтып оралмағаны үшін бас бостандығынан айырылуы мүмкін», - деп қосты Б.Қуандықов.