Biometric жобасы Швейцарияда өтетін стартап саммитінде Қазақстан намысын қорғайды
Орталық, Шығыс Еуропа мен Орталық Азиядан барлығы 8 жеңімпаз таңдалды. Олар: Biometric, Қазақстан – адамның бетін тану технологиясына негізделген қолма-қол жылдам несие беретін банкоматтар
- Lingwing, Грузия – интерактивті платформа, ол арзан шешімнің көмегімен адамдардың қарым-қатынас жасау дағдыларын 4-5 есе жылдам игеруге мүмкіндік береді;
- iHotel LLC, Моңғолия - компания дәстүрлі қонақүйлерді HIP шешімдері арқылы желіге қосылатын заманауи цифрлық объектілерге айналдырады;
- StudyFree, Ресей – әлемнің ЖОО-на түсуге арналған онлайн-платформа;
- Jeff, Латвия – телефон метадеректерін, байланыс ақпаратын, геолокацияны, жүріс-тұрыс үлгілерін және үшінші тұлғалардың деректерін кредиторлармен салыстыра отырып, талдайды;
- Velvioo, Армения – қалалардағы мобильділік жөніндегі шешімдерді басқарады, сондай-ақ қалалар мен кәсіпкерлерге мобильділік жөніндегі өз ұсыныстарын іске қосуға мүмкіндік береді;
- Skyworker, Украина – бұл технологиялық компанияларға интернетте меншікті технологиялық қауымдастықтар құра отырып, қызметкерлерді 3 есе жылдам және 2 есе арзан жалдауға мүмкіндік беретін платформа.
«Енді қатысушы командалар әлемнің 60-тан астам стартаптарымен бірге өз идеяларын Швейцарияның Лозанна қаласында басты сахнада көрсетуге және акционерлік капиталға 500 мың АҚШ долларына дейін инвестиция жеңіп алуға мүмкіндік алады», - деп жазды Әсел Әлімханова Facebook-тегі парақшасында.
Елордада өткен Seedstars Summit CEE-ге әлемнің 20 елінен 250-ден астам қатысушы келді. Онда барлық мүдделі тараптар бір-бірімен қарым-қатынас орнатып, өздерінің компаниялары туралы сөз қозғады.
Айта кетерлігі, Seedstars – дамушы нарықтардағы озық стартап-қауымдастық және инвестор, Нұр-Сұлтанды ресми түрде 20 мен 22 қараша аралығында Seedstars Summit CEE 2019 өткізу орны ретінде таңдаған. Саммит Нұр-Сұлтан қаласы әкімінің, Astana Innovations қолдауымен өткізілді.