+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Білім министрлігі екінші тоқсандағы оқу туралы: Денсаулық министрлігінің шешімін күтеміз

2020 жылғы 20 қазан 10:24
Бөлісіңіз:
Білім министрлігі екінші тоқсандағы оқу туралы: Денсаулық министрлігінің шешімін күтеміз

НҰР-СҰЛТАН. ҚазАқпарат – Әлеуметтік желілерде 2021 жылы оқушыларды қашықтан оқыту форматы жалғасатыны жайлы ақпарат тараған еді. Білім және ғылым министрлігі бұл мәліметті жоққа шығарды, деп хабарлайды ҚазАқпарат тілшісі.

«Алғашқы тоқсан 5 қарашада аяқталады. Санитариялық дәрігерлердің талаптары бойынша оқушылар негізінен қашықтан оқуда. Ата-аналардың талап-тілектері бойынша 1-4 сынып оқушылары санитариялық талаптардың сақталуымен кезекші сыныптарда білім алып жатыр. Бір сыныпта оқушылардың саны 15-тен аспауы керек. Екінші тоқсан бойынша Денсаулық сақтау министрлігінің шешімін күтіп отырмыз. Бас мемлекеттік санитариялық дәрігер тиісті қаулы шығарады. Денсаулық сақтау министрлігінен шешім шыққаннан кейін оны бірден хабарлайтын боламыз», - деді Білім және ғылым министрлігінің баспасөз хатшысы Гаухар Омарбек.

Оның айтуынша, карантин шектеулері жағдайында оқыту форматы туралы шешімді Бас мемлекеттік санитариялық дәрігер қабылдайды.

«Мектеп жұмысының форматы кинотеатрлар, сауда орталықтары, фитнес-орталықтар секілді санитариялық дәрігерлердің шешімі мен эпидемиологиялық ахуалға байланысты болады. Тек шынайы ақпарат көздеріне сенуге шақырамыз. Жалған ақпарат таратқан адамдардың қылмыстық жауапкершілікке тартылатынын ескертеміз», - дейді Гаухар Омарбек.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Үмбет Шолпан
Үмбет Шолпан
954-059

MURAǴAT