Қолданушы баптаулары
Қолданушы баптаулары
+7 (701) 759 90 19 Лента
USD 378.17 EUR 429.11
RUB 5.88 CNY 56.48
Jańalyqtar

Білім министрі мұғалімдер 1 шілдеден бастап қанша жалақы алатынын айтты

2019 жылғы 16 наурыз 18:43 1663
Бөлісіңіз:
Білім министрі мұғалімдер 1 шілдеден бастап қанша жалақы алатынын айтты

АҚТАУ. ҚазАқпарат - Білім және ғылым министрі Күләш Шәмшидинова Жаңаөзендегі бірқатар нысандарды аралады. Бұл туралы Маңғыстау облысы әкімдігінің баспасөз қызметінен мәлім етті, деп хабарлайды ҚазАқпарат.

«Ведомство басшысы мектеп-гимназияда педагогикалық құраммен кездесті. Сондай-ақ оған IT және робототехника сыныптарындағы оқушылардың жұмысы таныстырылды», - делінген баспасөз ақпаратында.

Былтыр Маңғыстауда 6300 орындық 9 мектеп пайдалануға берілді. Жаңаөзен қаласында 2018-2019 оқу жылында 2 жаңа мектеп іске қосылды. Жалпы, қалада 24 орта мектеп жұмыс істейді, онда 30579 оқушы білім алады.

К.Шәмшидинова атап өткендей, 1 шілдеден бастап бюджеттік сала қызметкерлерінің жалақысы 30% артады. Осылайша, жоғары санаты бар қала мұғалімінің жалақысы 158 034 теңге, ауылдық жерлерде -180 908 теңгені құрайтын болады.

Министрдің пікірінше, жалақының артуы мұғалімдердің өмір сүру деңгейін арттырып, жұмыстың сапасына әсер етеді және жас мамандар үшін жақсы ынталандыру болмақ.

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059
MURAǴAT