Қолданушы баптаулары
Қолданушы баптаулары
+7 (701) 759 90 19 Лента
USD 386.82 EUR 428.67
RUB 5.86 CNY 54.95
Jańalyqtar

Білім министрі баланы алты жасынан мектепке қабылдауға қатысты пікір білдірді

2019 жылғы 17 шілде 18:23 424
Бөлісіңіз:
Білім министрі баланы алты жасынан мектепке қабылдауға қатысты пікір білдірді

НҰР-СҰЛТАН. ҚазАқпарат – ҚР Білім және ғылым министрі Асхат Аймағамбетов балаларды 6 жасынан мектепке қабылдау тәртібіне қатысты түсінік берді, деп хабарлайды ҚазАқпарат тілшісі.

Бұдан бұрын хабарланғандай, Адам құқықтары жөніндегі уәкіл Асқар Шәкіров балаларды 6 жастан мектепке қабылдауға қатысты министрге үндеу жолдаған еді.

«Омбудсменнің үндеу хатына тоқталсақ, бұл ақпаратты жаңалықтардан оқыдым. Менің ойымша, біз бұл үндеуді ресми түрде қарастырып, белгіленген тәртіпте жауабын береміз. Өздеріңіз білесіздер, үш жыл бұрын бұл норма қабылданып, заңға енгізілді. Сондықтан бұл норма жаңалық емес. Сонымен қатар, айыппұл салынады дегенді нақтылай алмаймын, яғни балалар алты жасынан мектепке бармағаны үшін бізде айыппұл қарастырылмаған», - деді министр Орталық коммуникациялар қызметіндегі баспасөз мәслихатында.

Оның сөзіне қарағанда, 2014 жылы еліміз бойынша бірінші сыныпқа 320 мың бүлдіршін барып, оның ішінде 60 пайызы алты жаста болған.

«Өткен жылы да 6 жасынан мектеп табалдырығын аттаған бала санына талдау жүргіздік, олардың 80 пайызға жуығы алты жасында оқушы атанды. ЮНЕСКО мәліметі бойынша әлемнің 134 елінде алты жастан мектепке барады. Әрине, балалардың дербес ерекшеліктері бар және осыны біз ескеруіміз керек», - деді А. Аймағамбетов.

Сонымен қатар, министр өз баласын да мектепке алты жасында бергенін және бұл шешімге еш өкінбейтінін атап өтті.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT