Бейжіңде Олимпиадаға келгендер арасында 39 адамнан COVID-19 табылды
2022 жылғы 24 қаңтар 09:37

Бейжіңде Олимпиадаға келгендер арасында 39 адамнан COVID-19 табылды

БЕЙЖІҢ. ҚазАқпарат – «Бейжің-2022» ұйымдастыру комитеті қысқы Олимпиада ойындарына келгендер арасынан 39 адамның коронавирус жұқтырғанын мәлім етті, деп хабарлайды ҚазАқпарат меншікті тілшісі.

«Бейжің-2022» ұйымдастыру комитетінің құжатына сәйкес, 4-22 қаңтар аралығында Қытайға 2586 делегация мүшесі, соның ішінде 171 спортшы мен ресми тұлға, сондай-ақ 2415 мүдделі тарап өкілі келген.

Тестілеу нәтижесінде басқа мүдделі тарап арасында 39 адамның ауру жұқтырғаны анықталды. Атлеттер мен ресми тұлғалар арасында ешкім ауырмаған.

Жексенбі күні Бейжіңдегі ойындардың Олимпиада қалашығы алғашқы шетелдік спорт делегацияларын қабылдауды бастады, соның ішінде – АҚШ, Аустралия, Канада, Финляндия және басқа елдер бар. Олимпиада қалашықтарының ресми ашылуы 27 қаңтарда өтеді.

XXIV қысқы Олимпиада ойындары Бейжіңде 2022 жылдың 4-20 ақпаны аралығында, ал Паралимпиада ойындары – 4-13 наурыз аралығында өтеді.



Автор:
Тілші

Jańalyqtar

MURAǴAT