Бейжіңде Қазақстан мен ҚХР-дың экономикалық бағдарламаларының үйлесімділігі талқыланды (ФОТО)
Шарада еліміздің атынан Қытайдағы Қазақстанның Төтенше және Өкілетті Елшісі Шахрат Нұрышев, Әлемдік экономика және саясат институтының директоры Сұлтан Әкімбеков, атқарушы директордың орынбасары-ҚР Тұңғыш Президенті-Ұлт көшбасшысы қорының Алматыдағы өкілдігінің директоры Сергей Тохтаров, «Қоғамдық пікір» Зерттеу институтының басшылығы мен сарапшы-талдаушылары, сондай-ақ қазақстандық дипломатиялық ведомствосының Қытайдағы қызметкерлері болды.
Елші Қазақстан халқы Ассасблеясының қызметіне, оның ҚР халқының бейбітшілік пен рухани келісімді қамтамасыз етудегі рөліне тоқталып өтті. Дөңгелек үстелдің қатысушылары қытайлық тараптың ұсынып отырған «Бір белдеу, бір жол» құрылысы мен Қазақстанның «Нұрлы жол - Болашаққа бастар жол» жаңа экономикалық саясаты бір-бірін толықтырып жатқанын, бұл өз кезегінде екіжақты ынтымақтастықты тереңдету үшін жаңа мүмкіндіктер ашып отырғанын тұжырымдады.