07:11, 08 Желтоқсан 2022 | GMT +6
Бейсенбі күнгі ауа райы болжамы
АСТАНА. ҚазАқпарат - Қазгидромет 8 желтоқсандағы ауа райы болжамын жариялады, деп хабарлайды ҚазАқпарт.
Қазақстанның басым бөлігінде бұрынғыша ауқымды антициклон әсер етеді. Соның әсерінен жауын-шашынсыз ауа күтіледі.
Тек елдің солтүстігінде, оңтүстігінде, оңтүстік-шығысында атмосфералық фронтальды бөлімдердің өтуімен қар жауады. Оңтүстік-шығыстың таулы аймақтарында - қалың қар, оңтүстігінде, оңтүстік-шығысында жел күшейеді.
Оңтүстігінде-көктайғақ, елдің солтүстік-батысында, солтүстігінде, оңтүстігінде, оңтүстік-шығысында – тұман түседі.
Жамбыл облысының таулы аудандарында күндіз қалың қар жауады.