+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Бейбіт күнде ерлігімен танылған солтүстікқазақстандықтар марапатталды

2019 жылғы 14 желтоқсан 02:39
Бөлісіңіз:
Бейбіт күнде ерлігімен танылған солтүстікқазақстандықтар марапатталды

ПЕТРОПАВЛ. ҚазАқпарат – Петропавлда Қазақстан Республикасының Тәуелсіздік күніне орай Солтүстік Қазақстан облыстық төтенше жағдайлар департаменті салтанатты жиын өткізді.

Ұқсас жаңалықтар

Жиында үздік қызметкерлер және ерлік көрсеткен бірқатар өңір тұрғындары марапатталды, деп хабарлайды ҚазАқпарат тілшісі.

СҚО Төтенше жағдайлар департаменті баспасөз қызметінің мәліметінше, ҚР Тәуелсіздік күнімен департамент гарнизонының жеке құрамын ведомство басшысы Рамиль Камалов құттықтады. Солтүстікқазақстандық өрт сөндірушілер мен құтқарушылардың жұмысын жоғары бағалап, алғысын білдірді. Жалпы жыл басынан бері департамент мамандары 2200 рет апаттық-құтқару жұмыстарына және өрт сөндіруге шыққан. Нәтижесінде 200-ден астам адам құтқарылып, 1800-дей адам қауіпсіз жерге шығарылды. Құтқару қызметі зардап шеккен 48 адамға алғашқы медициналық көмек көрсеткен.

Өз ісін асқан жауапкершілікпен атқарған бір топ қызметкер ҚР Ішкі істер министрлігінің, ҚР ІІМ Төтенше жағдайлар бойынша Комитеттің және департаменттің Құрмет грамоталарымен, Алғыс хаттарымен марапатталды.

Салтанатты жиын барысында Мамлют ауданы, Воскресеновка елді мекенінің тұрғыны Владимир Воробьевке де құрмет көрсетілді. Екі баланың өміріне араша түскен оған «Суға батқанды құтқарғаны үшін» медалі, ал оның жұбайы Татьянаға ҚР ІІМ ТЖК төрағасының атынан Алғыс хат тапсырылды. Ерлі зайыпты 4 қараша күні суға батып бара жатқан балаларды құтқарып, аман-есен әке-шешесіне табыстаған еді.

Сонымен қатар, бұл күні қараша айында Есіл ауданы Ақтас ауылында өртке оранған үйден 5 газ баллонын алып шыққан ҚР Ұлттық ұлан әскери институты оқу взводының командирі Мағжан Қалықов та марапатталды. Әскери институт бастығының орынбасары Савердин Имиров Мағжан Қуанышұлының кеудесіне «Ұлттық Ұлан үздігі» төсбелгісін тақты.

СҚО Төтенше жағдайлар департаментінің бастығы Рамиль Камалов офицерге Алғыс хатты табыс етті.

Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT