+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Бейбіт Атамқұлов алдағы жылыту маусымына дайындық туралы айтты

2021 жылғы 18 мамыр 11:21
Бөлісіңіз:
Бейбіт Атамқұлов алдағы жылыту маусымына дайындық туралы айтты

НҰР-СҰЛТАН. ҚазАқпарат – Алдағы жылыту маусымына дайындақ барысында ел аумағында 5 мың шақырым жылу құбыры, 11,2 мың шақырым су құбыры жөндеуден өтуі тиіс. Индустрия және инфрақұрылымдық даму министрі Бейбіт Атамқұлов Үкімет отырысында осындай ақпарат берді, деп хабарлайды ҚазАқпарат тілшісі.

«Алдағы 2021-2022 жылғы жылу беру маусымына әлеуметтік сала объектілерінің 65 мыңнан астамын дайындау қажет», - деді Бейбіт Атамқұлов.

Оның ішінде 6 мың денсаулық сақтау нысаны, 11,2 мың білім беру нысаны, 47,6 мың тұрғын үй бар. Сондай-ақ, 11 мың автономдық қазандық қондырғыларын және 19 мың шақырым инженерлік желіні қалыпқа келтіру көзделіп отыр. Атап айтқанда, 5 мың шақырым жылумен жабдықтау желісін, 14,2 мың шақырым сумен жабдықтау желісін маусымға дайындау қажет.

«Жылу беру маусымына уақытылы және сапалы дайындалу мақсатында өңірлерге 1 маусымға қарай тұрғын үй-коммуналдық шаруашылық, тұрғын үй және әлеуметтік сала объектілерін дайындау жөніндегі іс-шаралар жоспарын бекіту ұсынылады. Сондай-ақ, 1 қыркүйекке дейін білім беру объектілерінің 100% дайындығын қамтамасыз ету қажет. 15 қазанға дейін тұрғын үй-коммуналдық шаруашылық, тұрғын үй, денсаулық сақтау және әлеуметтік саланың барлық объектілерінің толық дайындығын қамтамасыз ету, құрылыс нормалары мен ережелерін сақтамай орнатылған автономдық жылу беру жүйелерін шығаруды аяқтау, инженерлік инфрақұрылым жүйесінің жылу беру маусымына дайындығын белгіленген мерзімде аяқтау, автономдық қазандықтарда отынның нормативтік қорын қамтамасыз ету жұмыстарын толығымен аяқтау керек», - деді ведомство басшысы.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT