Бетпақдалада із-түссіз кеткен 45 жастағы азамат бес тәуліктен бері табылмай жатыр
31 қаңтарда 45 жастағы Мойынқұм ауданы Жамбыл ауылының тұрғыны елдімекеннен 15-20 шақырым қашықтықта орналасқан фазендасына «Mitsubishi Lancer» көлігімен шығып кетіп, қайта оралмаған.
Айта кетейік, Мойынқұм - Жамбыл облысының орталығынан шалғайда, Қарағанды облысымен шекарада орналасқан аудан. Мұнда Бетпақдала шөлі бар. Қыста ауа температурасы 50 градус аяз болады. Елдімекендерде тұрғындар саны аз.
«4 ақпанда ер адамды іздестіру жұмыстары басталды. Іздеуге ТЖ департаменті мен құтқару жасағының 20 қызметкері, 3 төбет, «Қазавиақұтқару» АҚ 2 ұшқышы мен тікұшағы, полиция бөлімдерінің мамандары, тұрғындары тартылды. Барлығы 50 адам қатысып жатыр және 10 техника жұмылдырылған», - деп түсіндірді Жамбыл облыстық ТЖД баспасөз қызметі.
Автор: Галина Скрипник