Бетонды қаптама құлаған: Алматы вокзалында ер адам ауыр жарақаттанды

АЛМАТЫ. ҚазАқпарат – Алматының №2 теміржол вокзалында ғимарат сыртындағы бетонды қаптамалар ер адамның үстіне құлап кетті. Оның жағдайы туралы қалалық Қоғамдық денсаулықты сақтау басқармасының баспасөз қызметі айтып берді, деп хабарлайды ҚазАқпарат тілшісі.

«Науқас шұғыл медициналық көмек беру ауруханасына ауыр халде (бас-миының жабық жарақаты, бірнеше қабырғасының сынуы, гематороксы бар қос өкпесінің соққы алуы, плевропульмоналды шок, бел омыртқасының жарақаты, жамбасының жарықшақты сынығы, травмалық шок) жеткізілді. Дәрігерлер жансақтау бөлімі жағдайында диагностикалық және емдік шаралардың толық көлемін жүргізді», - деді басқарманың баспасөз қызметінен.

Дәрігерлердің айтуынша, екінші тәуліктен соң науқастың омыртқасына ота жасалып, титан қойылды.

«Қазір оның жағдайы бірқалыпты. Оңалту шаралары жасалып жатыр. Науқас барлық медициналық көмекті қажетті көлемде алды», - деді ведомстводан.