Бет-әлпетке қарап генетикалық ауруды анықтайтын қосымша әзірленді

АСТАНА. ҚазАқпарат - Жасанды интеллект адамның көзқарасына, бет- әлпетіндегі ерекшеліктеріне қарап, ауру белгілері пайда болмай тұрып ерте диагностика жасауға көмектесетін болады.
BBC басылымының жазуынша, ғалымдар жаңа зерттеу барысында адамның жүзіндегі өзгерістер нақты бір аурудың белгілері бола алатынын анықтады.
«FDNA атты бостондық стартап компания Face2Gene қосымшасын жасап шығарған. Бұл қосымша емделушінің бет-әлпетіне қарап генетикалық аурулардың пайда болуын ерте анықтай алады. Қосымша жасанды интеллект технологиясына негізделген. Оның алгоритмі адамның бет пішініне қарап сирек кездесетін генетикалық ауруларды да ерте анықтай алады», - деп жазады басылым.
Автордың айтуынша, алгоритмге 216 генетикалық аурумен ауыратын 17 мың адамның суреті көрсетілген. Сол арқылы жасанды интеллект олардың келбетіндегі өзгерістер мен ерекшеліктерді анықтаған.
«Бұл белгілерді дәрілергер көре алмайды. Осы күнге дейін Face2Gene жүйесі қойған диагноздың 91% дұрыс болып шыққан. Ал генетикалық аурулар ерте анықталған жағдайда оған жасалатын ем-дом шаралары да жылдам әсер ететіні белгілі. Сирек кездесетін аурулар әлем халықтарының он пайызында болатындықтан, мұндай технологиялар медицинаға төңкеріс әкелетін болады», - дейді автор.
- Әлемдегі эпидахуал: Коронавирус тек Азияның оңтүстік-шығыс аймағында бәсеңдеген
- Ыстанбұлды қар басып қалды
- Ресейде таудағы шаңғы жолын қар көшкіні басып қалды
- Тунистің бірнеше өңіріне жаппай тәртіпсіздікпен күресу үшін әскер жіберілді
-
Ресейде коронавирусқа қарсы жаппай вакциналау басталады
-
Бельгияда коронавирустың «британдық» штаммы тарап жатыр
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам