+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Бес рет мешіт тонаған күдікті ұсталды – Алматы облысы

2019 жылғы 26 тамыз 13:06
Бөлісіңіз:
Бес рет мешіт тонаған күдікті ұсталды – Алматы облысы

ТАЛДЫҚОРҒАН. ҚазАқпарат – Алматы облысының Жамбыл ауданына қарасты ауылдардағы мешіттерде ұрлық жасаған күдікті ұсталды. 22 жастағы жігіт қайырымдылыққа берілген қаражатты қолды қылған, деп хабарлайды ҚазАқпарат тілшісі.

Ұқсас жаңалықтар
Елорда мешітінде садақа салатын терминал орнатылды Қарағанды облысында жаңа мешіт ашылды

«2019 жылдың 16 -17 шілдесінде Жамбыл аудандық полиция бөлімінің кезекшілігіне екі арыз түскен. Бірінші жағдайда бейтаныс азамат имамға өзінің жұмыс іздеп жүргенін алға тартып, уақытша мешітте қалуға рұқсат сұраған. Ал имам кетіп қалған кезде ол құлыпты бұзып, қайырымдылыққа түскен қаражатты ұрлап, бой тасалаған. Екінші жағдайда, ұры түнде мешіт жабылмайтынын пайдаланып, оған таңғы сағат 5-те кіріп, құлыпты бұзу арқылы тағы да қайырымдылыққа түскен қаражатты ұрлап кеткен. Қылмыс орнынан кетіп бара жатып, осы көшедегі жеке үйлердің бірінің ауласынан велосипед ұрлаған», - делінген Алматы облыстық полиция департаментінің баспасөз қызметі таратқан ақпаратта.

Бір айға созылған іздестіру барысында күдікті қолға түсті. Ұсталған 22 жастағы азаматтың тұрғылықты мекен-жайы жоқ, жұмыссыз.

Тексеру барысында күдікті бұрын Оңтүстік Қазақстан, қазіргі Түркістан облысында ұрлық жасағаны үшін ұсталғаны анықталды. Бірақ сот оның ісіне қатысты тараптардың татуласуына байланысты тоқтатылған. Тергеу барысында ұсталған азаматтың Үмбеталы, Қайназар, Еңбекші ауылдарындағы үш мешіттегі ұрлыққа қатысы бар екені анықталды. «Олардың барлығы түнгі уақытта қайырымдылыққа арналған жәшіктердің құлыптарын бұзу арқылы жасалған. Күдіктінің бөтен мүлікті ұрлаудың 6 фактісіне қатысы бар. Оның бесеуі мешіттерде болған. Барлық шығындар есептелуде. Сотқа дейінгі тергеу жүріп жатыр», -деп толықтырды аталған ведомство қызметі.

Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT