Қолданушы баптаулары
Қолданушы баптаулары
+7 (701) 759 90 19 Лента
USD 366.43 EUR 420.11
RUB 5.58 CNY 52.87
Жаңалықтар

Бес елдің басшылары Каспийдің құқықтық мәртебесі туралы конвенцияға қол қойды

2018 жылғы 12 тамыз 16:38 1430
Бөлісіңіз:
Бес елдің басшылары Каспийдің құқықтық мәртебесі туралы конвенцияға қол қойды

АСТАНА. ҚазАқпарат - Бүгін Каспий маңы мемлекеттерінің бесінші саммитінде бес елдің басшысы Каспий теңізінің құқықтық мәртебесі туралы конвенцияға қол қойды, деп хабарлайды ҚазАқпарат. 

Ұқсас жаңалықтар
Теңіз бе, көл ме: Сарапшы Каспийдің құқықтық мәртебесін түсіндірді Каспий конвенциясы: Экономикалық әлеуеті қандай

Атап айтқанда, құжат бірқатар ережелерді қамтиды. Құжатты Қазақстан, Әзербайжан, Ресей, Иран және Түрікменстан президенттері бекітті.

«Барлықтарыңызды маңызды құжатқа қол қойылуымен құттықтаймын. Біз әріптестерімізбен бірге Каспий теңізінің құқықтық мәртебесін реттеу бойынша көп жылдық жұмыстың қорытындысын жасадық», - деді ҚР Президенті Нұрсұлтан Назарбаев. 


Бес елдің басшылары Каспийдің құқықтық мәртебесі туралы конвенцияға қол қойды

Осы орайда Елбасы барлық бес мемлекет те теңіздің құқықтық режимін айқындауға күш-жігер салғанын қадап айтты. 

«Конвенцияны даярлау процесінде барлық елдер саяси тұрақтылықты қамтамасыз ету, Каспий өңірін дамыту, оның табиғи байлығын сақтау сияқты мүддені ұстанды. Конвенция - Каспий теңізінің Конституциясы іспетті. Ол теңіз маңы елдерінің құқықтары мен міндеттемелеріне қатысты мәселелердің барлық кешенін реттеуге негізделген. Сондай-ақ, құжат жалпы өңір қауіпсіздігінің, тұрақтылығының және гүлденуінің кепілгері болуға арналған», - деп нақтылады Қазақстан Президенті.

Айта кетейік, Ресей президенті Владимир Путин аталған конвенция консенсус пен мүдделерді өзара ескере отырып, заманауи әрі теңдестірілген халықаралық құжат екенін атап өтті. 

«Конвенция қажетті жіктеу шараларын, кеменің жүзуі мен балық аулау режімдерін айқын регламенттейді, қатысушы елдердің әскери-саяси өзара іс-қимылының ұстанымдарын белгілейді. Сонымен қатар, Каспийді тек бейбіт мақсаттарда пайдалануға кепілдік берілген», - деді РФ басшысы.


Бес елдің басшылары Каспийдің құқықтық мәртебесі туралы конвенцияға қол қойды


Бес елдің басшылары Каспийдің құқықтық мәртебесі туралы конвенцияға қол қойды

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Сондай-ақ... оқыңыз
Загрузка...
Онлайн қызметкерлер
Редактор
Жанибек Амангелди
Жанибек Амангелди
954-059
Мұрағат