15:59, 26 Желтоқсан 2020 | GMT +6
Берлиндегі атыс: Бірнеше адам жарақаттанды
БЕРЛИН. ҚазАқпарат – Берлинде Кройцберг ауданында атыс болып, бірнеше адам зардап шекті, деп хабарлайды ҚазАқпарат Bild газетіне сілтеме жасап.
Атап айтқанда, төрт адам жарақат алды, зардап шеккен үшеуі Германияның Социал-демократиялық партясының штаб-пәтерінің жанынан, біреуі жақын маңдағы каналдан табылды. Әзірге атыстың саяси астары бар екені туралы ешқандай дәлел жоқ. «Қазіргі уақытта жағдай өте түсініксіз», - деді полиция өкілі.
Оқиға орнында полиция қызметкерлері кезекшілік етуде, аумақты тексеру үшін тікұшақ жұмылдырылды.