Берік Балғабаев ФИДЕ президентінің кеңесшісі болды

АСТАНА. ҚазАқпарат - ФИДЕ президенттік кеңесі Қазақстан шахмат федерациясының вице-президенті Берік Балғабаевты ФИДЕ президенті Аркадий Дворковичтің кеңесшісі қызметіне тағайындау туралы шешім қабылдады. Бұл туралы Қазақстан шахмат федерациясы Facebook-те хабарлады.

Осы аптаның басында ФИДЕ президенттік кеңесі Қазақстан шахмат федерациясының вице-президенті Балғабаев Берік Түктібекұлын ФИДЕ президенті Аркадий Дворковичтің кеңесшісі қызметіне тағайындау туралы шешім қабылдады. Сондай-ақ, Берік Балғабаев Азия шахмат федерациясының вице-президенті қызметіне бекітілді.