+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Берік Әбдіғалиұлы: Ұлттық кеңестің алғашқы отырысында елдегі ең негізгі мәселелер көтерілді

2019 жылғы 6 қыркүйек 17:21
Бөлісіңіз:
Берік Әбдіғалиұлы: Ұлттық кеңестің алғашқы отырысында елдегі ең негізгі мәселелер көтерілді

НҰР-СҰЛТАН. ҚазАқпарат – Ұлттық қоғамдық сенім кеңесінің мүшесі Берік Әбдіғалиұлы кеңестің бүгінгі отырысында мемлекеттің болашағына тікелей қатысты, ел ішіндегі ең негізгі мәселелер көтерілгенін мәлім етті, деп хабарлайды ҚазАқпарат тілшісі.

Ұқсас жаңалықтар
Ақордада Ұлттық кеңес мүшелерінің ұсыныстары талқыланды Ақордада Ұлттық кеңес мүшелерінің экономикалық мәселелер бойынша ұсыныстары қаралды Қасым-Жомарт Тоқаев: Кеңес мүшелері нағыз отаншыл әрі интеллектуал азаматтар
«Бұл алғашқы отырыс болғаннан кейін өте жіті дайындықпен, салмақты өтті. Көптеген эмоциялық ұсыныстар бар еді. Менің ойымша, оны келесі жолға қалдырып отыр. Бірақ, ең басты, негізгі, мемлекетіміздің дамуына қатысты мәселелер сөз жоқ, көтерілді. Саяси реформалардың маңызы қозғалып, нақты экономикалық ұсыныстар берілді. Тіліміздің, ұлттық рухтың әңгімесі айтылды. Ең негізгі, басым бағыттағы мәселелер көтерілді», - деді Берік Әбдіғалиұлы Ұлттық қоғамдық сенім кеңесінің отырысынан кейін тілшілерге берген сұхбатында.

Кеңес мүшесінің айтуына қарағанда, алдағы уақытта әлеуметтік мәселелердің біршамасы айтылатынын атап өтті.

«Бұл жолы мемлекетіміздің болашағына тікелей байланысты, тұрақтылығы мен дамуына қатысты мәселелер айтылғанын тағы да айта кетейін. Бірақ, айтылмаған жайттар әлі бар. Біздің кеңес мүшелері келесі отырыста соған дайындалады. Менің өзім Ұлттық кеңестің әлеумет және мәдениет тобындамын. Мемлекеттік тіліміз бен тарихымызға қатысты мәселелерді көтереміз», - деді Берік Әбдіғалиұлы.

Еске сала кетсек, бүгін елордада Ұлттық қоғамдық сенім кеңесінің алғашқы отырысы өтті. Отырысқа Қазақстан Президенті Қасым-Жомарт Тоқаев қатысты.

Ұлттық кеңестің құрамы белгілі мемлекет және қоғам қайраткерлерінің, саяси партиялар, үкіметтік емес сектор өкілдерінің қатарынан қалыптасады. Қазақстан Республикасы Президенті Әкімшілігінің Басшысы, Қазақстан Республикасындағы Адам құқықтары жөніндегі уәкіл, Қазақстан Республикасындағы Бала құқықтары жөніндегі уәкіл, Қазақстан кәсіпкерлерінің құқықтарын қорғау жөніндегі уәкіл өз лауазымдарына сәйкес Ұлттық кеңестің құрамына кіреді.


Біздің каналымызға жазылыңыз:

Басты сөздер: Қоғам,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT