+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Бердібек Сапарбаев: Өңірде жергілікті қамтуды арттыру бойынша жұмыс тиісті деңгейде жүргізілмейді

2021 жылғы 17 ақпан 17:11
Бөлісіңіз:
Бердібек Сапарбаев: Өңірде жергілікті қамтуды арттыру бойынша жұмыс тиісті деңгейде  жүргізілмейді

ТАРАЗ. ҚазАқпарат – Жамбыл облысының әкімі Бердібек Сапарбаевтың төрағалығымен өткен кеңесте мемлекеттік сатып алулардағы, құрылыс-монтаж жұмыстарындағы және өнеркәсіп секторындағы жергілікті қамту үлесін арттыру мәселелері талқыланды, деп хабарлайды ҚазАқпарат тілшісі.

Ұқсас жаңалықтар
Тәуелсіздікке 30 жыл: Таразда «Төртінші онжылдықтағы Тәуелсіз Қазақстан» атты  жастар форумы өтті Қарағанды облысының өнеркәсіп алыптары жергілікті тауарларды көбірек сатып ала бастады 8 жыл бұрын жасалған қылмыс ашылды – Жамбыл облысы

Осы орайда Үкіметтің кеңейтілген отырысында Мемлекет басшысы Қасым-Жомарт Тоқаев жауапты тұлғаларға тиісті тапсырма жүктеген болатын.

Облыстық кәсіпкерлік және индустриалды-инновациялық даму басқармасының басшысы Аспандияр Сейсебаевтың айтуынша, мемлекеттік сатып алулардағы жергілікті қамту үлесі 84 пайызды құрайды. Бұл көрсеткіш өнеркәсіптің «Қарапайым заттар экономикасына» қатысты алты бағыт бойынша 74 пайызды, құрылыс-монтаждау жұмыстарында 86 пайызды көрсеткен.

Мемлекеттік сатып алу басқармасының басшысы Бақытжан Жүнісбеков мемлекеттік сатып алудағы негізгі міндеттер ретінде жергілікті қамту үлесін арттыру бойынша есептілік, өнім жеткізушілердің жергілікті қамтудың ең жоғары үлесіне деген мүдделілігі, сондай-ақ отандық өндірушілерді мемлекеттік қолдау болып табылатындығын тілге тиек етті.

«Өткен жылдың басында біз құрылыстағы жергілікті қамту үлесін 90 пайызға дейін жеткізуге келіскенбіз. Бұл міндеттеме орындалмады. Басқарма басшылары тұрақты түрде тиісті орындарға хат жіберетіндерін айтады.

Демек, одан кейін бұл ешкімді қызықтырмайды, жағдай қадағалаусыз қалады. Сондықтан, нәтиже жоқ. Өндірушілер негізінен Таразда орналасқан, бірақ олармен жергілікті қамтуды арттыру бойынша тиісті деңгейде жұмыс жүргізілмейді. Қалалық әкімдік, облыстық басқармалар және өңірлік кәсіпкерлер палатасы өзара тығыз байланыста жұмыс істеуі тиіс. Әзірге ондай жүйе байқалмайды», - деді облыс әкімі.

Сондай-ақ, Бердібек Сапарбаев жергілікті қамтуда тауарлар ассортиментін кеңейту қажеттілігі туралы баса айтты. «Тек қиыршық тас пен шағалды пайдалануға қанағаттанбай, жаңа тауарлар мен материалдар өндірісін жолға қоюға ұмтылу керек», - деп ескертті өңір басшысы.


Біздің каналымызға жазылыңыз:

Бөлісіңіз:

Автор:

Сая Сембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT