+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Бердібек Сапарбаев – Науқастардың 99 пайызы екпе алмағандар

2021 жылғы 1 тамыз 13:16
Бөлісіңіз:
Бердібек Сапарбаев – Науқастардың 99 пайызы екпе алмағандар

ТАРАЗ. ҚазАқпарат – Жамбыл облысының әкімі Бердібек Сапарбаев коронавирусқа байланысты ахуалдың күрделене түсуіне байланысты өңір тұрғындарына үндеу жолдады, - деп хабарлайды ҚазАқпарат тілшісі.

Ұқсас жаңалықтар
Алматыда карантин талаптары жеңілдейді Шу аудандық ветеринарлық стансасының директоры мен бас бухгалтері сотталды Қарағанды облысында КВИ-мен сырқаттанушылық біршама төмендеді

Әкімнің айтуынша, облыстағы дертті жұқтырған науқастардың 99 пайызы вакцина салмағандар.

Аймақ басшысының үндеуінің мәтіні Facebook, Instagram әлеуметтік желідегі өзінің жеке парақшаларында жарияланды.

«Өкінішке қарай, біздің аймақта эпидемиологиялық жағдай тез нашарлауда, коронавирус инфекциясын жұқтырғандар саны күн сайын артып келеді. Бұл жағдай жамбылдықтардың бетперде киюді доғарып, қашықтықты сақтауды тоқтатуына байланысты өршіп тұр. Кей жерлестеріміз үйлену тойларын, мерейтойларды және басқа да іс-шараларды адамдар көп жиналатын жерлерде өткізіп жатыр. Шектеу шараларына қарамастан, оқу орындарының түлектеріне салтанатты іс-шаралар ұйымдастыру фактілері жиі кездеседі.

Вирустың одан әрі таралуын болдырмау үшін біз азаматтарымыздың денсаулығын барынша қорғауымыз керек. Осы мақсатта Жамбыл облысында жаңа шектеу шаралары енгізіледі. Бұл барлық егжей-тегжейлі ақпарат бұқаралық ақпарат құралдары арқылы жұртшылыққа жеткізіледі»,-делінген облыс әкімінің үндеуінде.

Сондай-ақ, Бердібек Сапарбаев алдағы уақытта ойын-сауық мекемелері, спорт және мәдениет объектілері, базарлар мен қоғамдық көлік қосымша шектеулермен жұмыс істейтіндігін ескерткен.

«Осы айтылған барлық қауіпсіздік шаралары, ең алдымен, сізді және сіздің жақындарыңыздың денсаулығын, өмірін сақтауға бағытталған.

Жергілікті атқарушы органдар Жамбыл облысы бойынша Полиция департаментімен бірлесіп, ойын-сауық орындарында, қоғамдық орындарда карантин шектеулерінің сақталуын бақылауы тиіс. Тәртіп пен табандылықтың арқасында уақытша қиындықтарды жеңетінімізге күмәнім жоқ»,-деді аймақ басшысы.

Облыс әкімі, азаматтарды карантин режимін, санитарлық талаптарды қатаң сақтауға шақырып, ұжымдық иммунитетті қалыптастыру үшін короновирус инфекциясына қарсы вакцинацияның маңыздылығы туралы тағы да еске салып өтті.

«Мемлекет басшысы Қасым-Жомарт Тоқаев атап өткендей, жалпыға бірдей вакцинация – бұл қалыпты өмірді қалпына келтірудің және адамдардың денсаулығын сақтаудың жалғыз жолы»,-деп түйінделген Б. Сапарбаевтың жамбылдықтарға жасаған үндеуі.


Біздің каналымызға жазылыңыз:

Бөлісіңіз:

Автор:

Сая Сембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT