Қолданушы баптаулары
Қолданушы баптаулары
+7 (701) 759 90 19 Лента
USD 378.93 EUR 423.00
RUB 5.87 CNY 54.82
Jańalyqtar

Бердібек Сапарбаев еңбек нарығына өзгерістер әкелуі мүмкін жаһандық сын-қатерлерді атады

2019 жылғы 16 мамыр 16:20 331
Бөлісіңіз:
Бердібек Сапарбаев еңбек нарығына өзгерістер әкелуі мүмкін жаһандық сын-қатерлерді атады

НҰР-СҰЛТАН. ҚазАқпарат - Жаңа технологияларды дамыту еңбек нарығына өзгерістер әкелуі мүмкін. Бұл туралы бүгін  XII АЭФ аясындағы Халықаралық еңбек ұйымының 100 жылдығына арналған конференцияда Еңбек және халықты әлеуметтік қорғау министрі Бердібек Сапарбаев айтты, деп хабарлайды ҚазАқпарат тілшісі.

Ұқсас жаңалықтар
ХВҚ бас экономисі Еуразияның экономикалық дамуына болжам жасады Цифрландыру баспана құрылысы құнын арзандатуға қалай ықпал етеді

«Егер алдағы перспективалар туралы айтатын болсақ, еңбек нарығына өзгерістер әкелуі мүмкін жаһандық сын-қатерлерге тоқталып өткеніміз жөн. Бірінші сын-қатер цифрландыруды және 4.0 индустриясы, жасанды интеллект және робототехника сияқты технологияларды дамытумен байланысты. Екпінді технологиялық даму жұмыс күшінің біліктілігі мен дағдыларына қойылатын талаптарды өзгертеді. Олар кәсіптік дағдылармен қатар, қосымша дағдылар тізбегін игеруге тиіс», - деді министр.

Оның айтуынша, екінші сын-қатер еңбек ресурстары құрылымындағы демографиялық өзгерістерге негізделген.

«Бүкіл әлемде 60 жастан асқан халық санының және белсенділігінің өсуі байқалады. Өсіп келе жатқан жас ұрпақ қажетті дағдыларды игеруге тиіс. Еңбек нарығында жұмыс күшінің инклюзивтілігі артып келеді. Әйелдердің, қарттар мен мүмкіндіктері шектеулі адамдардың экономикалық белсенділігі өсуде. Гиг-экономика дамып келеді, ол «фрилансерлер» санының көбеюі ретінде білінеді», - деді ол.

Бердібек Сапарбаев еңбек нарығына өзгерістер әкелуі мүмкін жаһандық сын-қатерлерді атады 

Б.Сапарбаев Қазақстан алдағы өзгерістерге дайын болуы қажеттігін айтты.

«Сонымен қатар, еңбек нарығындағы өзгерістердің ықпалы дамушы мемлекеттерде, оның ішінде Қазақстанда дамыған елдерге қарағанда баяу болатынын атап өткен жөн», - деді министр.

 

Фото: Бауыржан Жуасбаев

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059
MURAǴAT