+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Бердібек Сапарбаев елорданың бірқатар спорт және медициналық нысандарын тексерді

2019 жылғы 10 қазан 10:06
Бөлісіңіз:
Бердібек Сапарбаев елорданың бірқатар спорт және медициналық нысандарын тексерді

НҰР-СҰЛТАН. ҚазАқпарат - ҚР Президенті Қасым-Жомарт Тоқаевтың тапсырмаларын іске асыру аясында ҚР Премьер-Министрінің орынбасары Бердібек Сапарбаев Нұр-Сұлтан қаласындағы бірқатар спорт және медициналық нысандарды аралады. Бұл туралы ҚазАқпарат primeminister.kz сайтына сілтеме жасап хабарлайды.

Ұқсас жаңалықтар
Сапарбаев: Шетелдік және отандық мамандардың еңбекақысында айырмашылық болмауы тиіс Бердібек Сапарбаев дәрі-дәрмек бағасының қымбаттау себебін айтты Міндетін орындай алмайтын ЖОО-лар мен колледждер қысқартылуы мүмкін - Сапарбаев

Вице-премьердің нысандарды аралауы қаланың ескі медициналық мекемесі ‒ орталық темір жол ауруханасын аралаудан басталды. Оның корпустары 60 жыл бұрын салынған әрі қатты ескірген. Осы уақытта ауруханада бір рет те жөндеу жұмыстары жүргізілген жоқ. Сонымен қатар, медициналық мекемеде елорданың халық көп орналасқан аудандарының бірі — Сарыарқа ауданының тұрғындарына қызмет көрсетіледі.

Әкімдік пен Денсаулық сақтау министрлігі бұл мәселені 600 орынға арналған жаңа медициналық кешен салу арқылы шешуді жоспарлап отыр. Болашақ құрылыстың учаскесі анықталды. Мемлекеттік-жекешелік серіктестік жобасын іске асыру үшін Түркиядан инвестор тарту жоспарлануда.

Вице-премьер сондай-ақ қатерлі ісік ауруларын емдеуге жоғары мамандандырылған көмек көрсететін Көпбейінді медициналық орталықта болды. Алдыңғы жылдары онкологиялық орталық «СҚ-Фармация»-ға 1,3 млрд теңге көлемінде қарыз болып қалды. Бұл жағдайды шешу үшін арнайы комиссия құрылды.

Премьер-Министрдің орынбасары жауапты мемлекеттік органдарға медициналық орталықты науқастарды емдеуге қажетті дәрі-дәрмектермен толықтай қамтамасыз етуді тапсырды.

Сонымен қатар, Бердібек Сапарбаев «Қазақстан» спорт кешенінде және «Толқын» олимпиадалық резервтегі мамандандырылған балалар-жасөспірімдер мектебінде болды.

«Қазақстан» СК 2001 жылы салынған, күрделі жөндеу жұмыстарын жүргізу қажет. Бүгінде мұз аренасы жұмыс істейді, бірақ бассейннің апаттық жағдайына байланысты жабық тұр. Жалпы, нысан толық жаңғыртуды қажет етеді. Мемлекеттік-жекешелік серіктестік аясында шетелдік инвесторды тарту жоспарлануда. Бүгінде қажетті рәсімдер орындалып жатыр. Келесі жылы жұмыстар басталады. Құрылысты 2023 жылы аяқтау жоспарланып отыр», — деді елорда әкімінің орынбасары Бақтияр Мәкен.

«Толқын» спорт мектебінің шатыры күрделі жөндеу жұмыстарын талап етеді.

«Жобалық-сметалық құжаттаманы әзірлеуге жергілікті бюджеттен қаражат бөлінді. Конкурстың жеңімпазы анықталғаннан кейін біз жұмысқа кірісеміз. Жөндеу жұмыстарын келесі жылдың қыркүйегіне дейін аяқтауға тырысамыз», — деп сендірді Б. Мәкен.

Жұмыс сапарының қорытындысы бойынша Бердібек Сапарбаев Денсаулық сақтау министрлігі мен қала әкімдігі алдына бірқатар міндеттер жүктеп, Мемлекет басшысының тапсырмаларын орындау Үкіметтің ерекше бақылауында екенін атап өтті.

Айта кету керек, Мемлекет басшысы жақында өткен елорданы дамыту жөніндегі кеңесте спорттық нысандардың қолжетімділігін арттыру және медициналық қызметтердің сапасын жақсарту жөнінде бірқатар тапсырмалар берген болатын.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT