Қолданушы баптаулары
Қолданушы баптаулары
+7 (701) 759 90 19 Лента
USD 378.87 EUR 422.40
RUB 5.87 CNY 54.85
Jańalyqtar

Бердібек Сапарбаев елордада көпбалалы аналармен кездесті

2019 жылғы 17 мамыр 13:09 384
Бөлісіңіз:
Бердібек Сапарбаев елордада көпбалалы аналармен кездесті

НҰР-СҰЛТАН. ҚазАқпарат - ҚР Еңбек және халықты әлеуметтік қорғау министрі Бердібек Сапарбаев Нұр-Сұлтан қаласында көпбалалы аналармен кездесті, деп хабарлайды ҚазАқпарат.

Ұқсас жаңалықтар
2% ипотекаға пәтерді қайталама нарықтан алуға болады - Ләззат Ибрагимова Көпбалалы отбасыларды баспанамен қамту: Үкімет басшысы Қызылорда облысын үлгі етті

Ведомствоның баспасөз қызметінен мәлім еткендей, кездесуге сондай-ақ, Еңбек және халықты әлеуметтік қорғау вице-министрі Светлана Жақыпова, Денсаулық сақтау вице-министрі Ләззат Ақтаева, Білім және ғылым вице-министрі Эльмира Суханбердиева, ҚР Индустрия және инфрақұрылымдық даму министрлігі Құрылыс және тұрғын үй коммуналдық шаруашылығы істері комитетінің төрағасы Мархабат Жайымбетов, Нұр-Сұлтан қаласының Жұмыспен қамту және әлеуметтік қорғау басқармасының басшысы Сәуле Нұрғожина қатысты.

Оның барысында көпбалалы аналарға мемлекеттік қолдау шаралары туралы ақпарат берілді. Қолданыстағы жеңілдіктерден басқа, келесідей қосымша шаралар да қарастырылуда - зейнеткерлікке 53 жаста мерзімінен бұрын шығу, жұмыс істемейтін ананың 3 жасқа дейінгі бала күтімі бойынша кезеңін еңбек өтіліне қосу, салық пен баж салығының кейбір түрлерін төлеуден босату құқығы, тұрғын үйге жеңілдетілген кезекке тұрғызу және мұндай санаттағы азаматтарға мемлекеттік қолдауды күшейту.  

Нәтижелі жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасына өзгерістер енгізілуде. Мәселен, жұмыспен қамтуды қамтамасыз ету және табысты арттыру үшін ауылда тұратын көпбалалы отбасыларға жаңа бизнес-идеяларға 505 мың теңге мөлшерінде қайтарымсыз мемлекеттік гранттар берілетін болады. Сондай-ақ, ағымдағы жылы көпбалалы аналар мен мүгедектігі бар адамдар арасында кәсіпкерлікті дамытуға 5 мың микрокредит беріледі.

«Сонымен қатар, ауылда тұратын аз қамтылған отбасылар үшін қажетті мамандықтарға қысқа мерзімді оқыту ұйымдастырылады. Жекелеген жұмыс түрлері бойынша жалақыны субсидиялаумен үйде әлеуметтік жұмыс орындары құрылатын болады. Бұдан бөлек, министрлік әлеуметтік жағдайы төмен отбасыларға жергілікті атқарушы органдар тарапынан көрсетілетін әлеуметтік көмек пен қызметтердің бірыңғай пакетін әзірледі. Әлеуметтік пакетте жергілікті атқарушы органның қаражаты есебінен әлеуметтік қолдау және әлеуметтік қызмет көрсету бойынша 11 шара қамтылған. Әкімдіктердің мәліметінше, 2019 жылы 287 мың бала мектептерде тегін тамақпен, 553 мың адам тегін жол жүрумен, 219 мың оқушы мектеп формасымен және керек-жарақтармен, 30 мыңға жуық бала балабақшаларда орынмен қамтамасыз етіледі, 186 мың бала лагерьге жолдама алады, 460 мыңнан астам адам бір жолғы көмек алады, 5 мың АӘК алушы жұмыспен қамтылады, 5 мың адам тұрғын үй құрылыс жинақтары жүйесі арқылы баспана жағдайын жақсартады. Жалпы әлеуметтік көмектің барлық түрлерімен 83,1 млрд. теңгеге 821 мың адамды қамту жоспарлануда», - делінген баспасөз баянында.

Кездесуге қатысқан көпбалалы аналар «Бақытты отбасы» бағдарламасы аясында тұрғын үй жағдайын жақсарту, жалпы білім беру қоры аясындағы қолдау, санаторлық-курорттық емдеу, медициналық қызмет көрсету, соның ішінде стоматологиялық қызмет көрсету және басқа да мемлекеттік қолдау шараларын алу туралы сұрақтар қойған.

Министрлік және әкімдік өкілдері барлық сұрақтар бойынша түсініктеме берген.

«Еңбек министрлігі ведомство құзыретіне кіретін мәселелерді шешуді жеке бақылауға алды. Ағымдағы жылғы 1 мамырдағы жағдай бойынша Қазақстанда «Алтын алқа» және «Күміс алқамен», «Ана даңқы» ордендерімен марапатталған, бұрын «Батыр ана» атағын алған 235 мыңнан астам көпбалалы ана тұрады. Оның 4787-сі Нұр-Сұлтанда тұрады.

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT