+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Бердібек Сапарбаев ел жастарына үндеу тастады

2019 жылғы 15 қараша 12:41
Бөлісіңіз:
Бердібек Сапарбаев ел жастарына үндеу тастады

АЛМАТЫ. ҚазАқпарат - Алматыда «Мен жастарға сенемін!» атты Республикалық жастар форумында Бердібек Сапарбаев ел жастарына үндеу жасады, деп хабарлайды ҚазАқпарат тілшісі.

«Біз Үкімет мүшелері сіздермен кездескенімізге қуаныштымыз. Сіздер жассыздар, сіздердің бойларыңызда үлкен күш–қуат бар, жігер, қайрат, білім бар. Соның барлығын тиімді пайдалану керек. Мемлекетіміздің дамуына үлес қосыңыздар. Тұңғыш Президент күніне арналған осы шараға қызығушылық танытып, атсалысып жатқандарыңыз үшін барлығыңызға ерекше алғыс айтқым келді. Мемлекет әр уақытта сіздерді қолдаған, әрі қарай да қолдайды. Сіздерге ақжол тілейміз!», - деді Бердібек Сапарбаев.

Вице-премьердің айтуынша, мемлекет жастарға өз таланттарын ашуға жағдай жасау керек.

«Қазақстандық жастар халықаралық стандарттарға сай білім алу үшін «Болашақ» бағдарламасы, еліміздің барлық өңіріндегі Назарбаев Зияткерлік мектебі арнайы құрылды. ҚР Тұңғыш Президенті Нұрсұлтан Әбішұлының тапсырмасына сәйкес, біз жол картасын жасадық, оған еліміздің бюджетінен шамамен 300 миллиард теңге қарастырылған. Бұл аз қаржы емес, жалпы ішкі өнімнің 0,5% құрайды. Үкімет сіздерге барлық жағдайды жасауға міндетті. Атап айтар болсақ, бизнеспен айналысып, өз кәсібіңізді ашуға көмектесеміз. Ол үшін «Жас Кәсіпкер», «Жас Маман», «Бастау Бизнес» бағдарламалары жүзеге асырылуда», - деп толықтырды Сапарбаев.

Сондай-ақ, ол Президент Қасым-Жомарт Тоқаевтың 2020 жылды Еріктілік жылы деп жариялағанын еске салды.

«Қазір біздің министрлік Еріктілер жылына қатысты іс-шаралар жоспарын әзірлеп жатыр. Мен сіздердің еріктілер қозғалысына қатысатындарыңызды жақсы білемін. Негізі әр адам өз елінің дамуына қандай үлес қосатыны жайлы ойлануы керек. Тек сонда ғана жақсы нәтижиеге қол жеткіземіз», - деп түйіндеді вице-премьер.

Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT