+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Белсенді оқушылар бала құқығы бойынша министрлік чатына енгізілді

2020 жылғы 20 қараша 18:36
Бөлісіңіз:
Белсенді оқушылар бала құқығы бойынша министрлік чатына енгізілді

НҰР-СҰЛТАН. ҚазАқпарат – Қазақстанның әрбір мектебінде оқушылар мен колледж студенттері арасынан Балалар өкілі сайланды. Енді кезекте белсенді балалар барлық өзекті мәселе бойынша ҚР Білім және ғылым министрлігі Балалардың құқықтарын қорғау комитетімен тікелей байланыста болады, деп хабарлайды ҚазАқпарат.

Бүгін Дүниежүзілік балалар күні аясында балалар өкілдіктерінің алғашқы республикалық слеті өтті.

«Біз үшін балалармен тікелей жұмыс жасап, оларды қандай сұрақтар қызықтыратынын, өз деңгейлерінде қандай проблемаларды анықтайтынын біліп, өтініштеріне жауап беру маңызды. Елімізде белсенді азаматтық ұстанымы бар әрі өз пікірлерін ашық айта алатын, достарының бастамаларын қолдай алатын балалар мен жасөспірімдердің қатары қалың. Балалар өкілдерінің барлығы біздің чатта тіркелетін болады. Олар мектепте орын алған түрлі оқиғалар туралы хабарлап, мемлекеттік органдар мен ұйымдардың жұмысын жақсарту бойынша өз идеяларын, ұсыныстарын жеткізе алады», – деп атап өтті Балалардың құқықтарын қорғау комитеті төрағасының орынбасары Юлия Овечкина.

Республикалық слет барысында бұзақылық пен кибербуллингке қарсы тұру, интернет желісінде өзін-өзі ұстау этикасы, экологиялық білім, ерекше білім беруді қажет ететін балаларға қатысты толеранттылық мәселелері көтерілді.

«Біз жоба шеңберінде балалар құқығын қорғау төңірегіндегі мәселелерге араласа аламыз. Бұл осы салада қалыптасқан жағдайды жақсы жаққа өзгертіп, өз үлесімізді қосу үшін таптырмас мүмкіндік», – деді 8-сынып оқушысы, белсенді блогер Медина Майсар.

Айта кетейік, республикалық слет ҚР Білім және ғылым министрлігі Балалардың құқықтарын қорғау комитетінің YouTube-тегі ресми арнасында тікелей эфирде өтті.


Біздің каналымызға жазылыңыз:

Бөлісіңіз:

Автор:

Мира Төлендіқызы

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT