+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

«Бәйтерек» холдингінің еншілес ұйымдар саны қысқарды

2020 жылғы 28 ақпан 20:07
Бөлісіңіз:
«Бәйтерек» холдингінің еншілес ұйымдар саны қысқарды

НҰР-СҰЛТАН. ҚазАқпарат - ҚР Премьер-Министрі Асқар Маминнің төрағалығымен өткен «Бәйтерек» ұлттық басқарушы холдингі» АҚ директорлар кеңесінің отырысында екі еншілес компанияны қайта ұйымдастыру, алтыншы облигация бағдарламасын шығару, сондай-ақ Холдингтің басқарма мүшелерінің санын қысқарту туралы шешім қабылданды. Бұл туралы ҚазАқпарат primeminister.kz сілтеме жасап хабарлайды.

Ұқсас жаңалықтар

ҚР Президенті Қасым-Жомарт Тоқаевтың 2019 жылғы 2 қыркүйектегі Жолдауында тұрғын үй бағдарламаларының операторлары санын қысқарту бойынша қойылған міндеттерді іске асыру аясында Директорлар кеңесі өзінің еншілес ұйымдарын — «Бәйтерек девелопмент» АҚ және «Қазақстандық Ипотека Компаниясы» ИҰ» АҚ қосу туралы шешім қабылдады. Сонымен қатар, биыл жыл соңына дейін «Тұрғын үй құрылысын кепілдендіру қоры» АҚ-ны тұрғын үй құрылысы саласындағы Бірыңғай оператор құрамына қосу жоспарланған.

Отырыс барысында мемлекеттік тұрғын үй саясатын тиімді іске асыруды қамтамасыз ету үшін алтыншы облигация бағдарламасын іске қосу туралы шешім қабылданды.

Директорлар кеңесі машина жасауды дамыту жобаларын қаржыландыру мақсатында «БРК-Лизинг» АҚ жарғылық капиталын 8 млрд теңгеге ұлғайту үшін Холдингтің 8 млн қарапайым акциясын орналастыруды бекітті.

Отырысқа қатысушылар 2019 жылдың IV тоқсаны бойынша «Бәйтерек» ҰБХ» АҚ-ның тәуекелдеріне қатысты есепті бекітті. Аталған кезеңде Холдинг тәуекелдері бойынша нысаналы деңгей мен лимиттер бұзылған жоқ. Қолжетімді қаржы ресурстарының көлемі 571 млрд теңгеден 595 млрд теңгеге дейін артты, бұл негізінен «Бәйтерек» ҰБХ» АҚ-ның өз капиталының ұлғаюы есебінен мүмкін болды. Тәуекелдердің басқа түрлері бойынша айтарлықтай өзгерістер орын алған жоқ, тәуекелдер орташа деңгейде бағаланып отыр.

Сондай-ақ, отырыста ішкі аудит қызметінің 2019 жылдың IV тоқсанындағы есебі, 2019 жылдың қорытындысы бойынша 2019-2020 жылдарға арналған «Бәйтерек» ҰБХ» АҚ корпоративті басқаруды жетілдіру жөніндегі іс-шаралар жоспарының орындалу нәтижелері және басқа да мәселелер қаралды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT