+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

«Бәйтерек» ғарыштық зымырандар кешенін құру мерзімі қысқартылды

2018 жылғы 18 сәуір 17:02
Бөлісіңіз:
«Бәйтерек» ғарыштық зымырандар кешенін құру мерзімі қысқартылды

АСТАНА. ҚазАқпарат - «Бәйтерек» ғарыштық зымырандар кешенінің жұмысын бастау жоспары 2025 жылдан 2022 жылға ауыстырылды, деп хабарлайды ҚазАқпарат тілшісі.

«Жоспар бойынша 2025 жыл еді. Біз қазір 2022 жылы құрылатындай жұмысты жеделдетіп жатырмыз», - деді ҚР Қорғаныс және аэроғарыш өнеркәсібі министрі Бейбіт Атамқұлов Парламент Мәжілісінің отырысынан кейін тілшілерге жауап бере отырып.

Министрдің айтуынша, биыл қазақстандық тарап техникалық-экономикалық негіздемені дайындап, 2020 жылға қарай «Зенит-М» старттық алаңының инфрақұрылымын жөндеуге кірісіп кетуі тиіс. 2022 жылға қарай Қазақстан барлық жүйені жаңғыртып, оны цифрлы форматқа ауыстыруға міндеттеледі.

«2022 жылдың жазына қарай біз қазақстандық тараптың жұмысын аяқтауымыз керек. Бұл алаңның өзіне, жіберу қондырғысына қатысты мәселелелер. Біз жіберу құндылығының иесі боламыз. Ресейліктер зымыранның қалпы мен пішінін, оның негізгі стандарттық өлшемдерін аяқтауы керек. Бұл толығымен экологиялық таза, жаңа зымыран болады. Келесі жылы олар конструкторлық жұмысты бастауы тиіс. Ал 2021 жылы ресейліктер зымыран бойынша барлық жұмысты - сынақты аяқтап, 2022 жылы жіберуге дайындауы тиіс», - деді министр.

Еске сала кетсек, «Бәйтерек» Қазақстан мен Ресейдің бірлескен жобасы. Ол «Байқоңыр» ғарыш айлағындағы «Зенит» ғарыштық зымырандар кешенінің қазіргі инфрақұрылымында және келешегі зор ресейлік орташа кластағы тасығыш-зымыранда (ТЗ) дайындалатын болады.

Фото: mdai.gov.kz

Біздің каналымызға жазылыңыз:

Басты сөздер: Парламент, Ғарыш, Байқоңыр,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT