+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Байқоңырдан «Протон-М» қайта ұшырыла бастайды

2017 жылғы 2 сәуір 13:45
Бөлісіңіз:
Байқоңырдан «Протон-М» қайта ұшырыла бастайды

БАЙҚОҢЫР. ҚазАқпарат - «Протон-М» зымыран-тасығышының 2017 жылғы алғашқы ұшырылымы мамыр айының басына жоспарланып отыр. Бұл туралы журналистерге ғарышқа ұшыру құралдары және жерүсті инфрақұрылым жөніндегі бас құрастырушы Александр Медведев мәлім етті, деп хабарлайды «ҚазАқпарат» ХАА тілшісі «Ғарыш жаңалықтары» сайтына сілтеме жасап.

Еске сала кетейік, Байқоңырдан «Протон-М» зымыран-тасығышы соңғы рет 2016 жылдың маусым айында ұшырылған еді. Кейін, «Протон-М» зымыран-тасығыштарын ғарышқа аттандыру қозғалтқыштарда анықталған ақауға байланысты тоқтатылды.

2017 жылғы мамыр айының соңына жоспарланған «Протон-М»-нің ұшырылымы кезінде орбитаға EchoStar 21 ғарыш аппараты жіберілетін болады. Ол орбитаға жоспар бойынша 2016 жылдың бірінші тоқсанында жеткізілуі тиіс еді.

Қазақстан бекіткен «Байқоңыр» ғарыш айлағынан зымыран-тасығыштарды ұшыру кестесіне сәйкес, жыл соңына дейін федералды ғарыш бағдарламасы бойынша және коммерциялық тапсырыс берушілердің мүддесіне орай «Протондардың» жеті ұшырылымын жүзеге асыру жоспарланған.

Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT