+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Байқоңырдағы мектептерде қауіпті қалдықтар заңсыз сақталған

2019 жылғы 16 қараша 19:32
Бөлісіңіз:
Байқоңырдағы мектептерде қауіпті қалдықтар заңсыз сақталған

БАЙҚОҢЫР. ҚазАқпарат - Байқоңыр қаласындағы білім мекемелері құрамында сынабы бар қауіпті қалдықтарды мектеп ғимаратында заңсыз сақтаған. Осылайша 8 049 оқушы мен 1307 қызметкердің денсаулығына қауіп төндірген, деп хабарлайды ҚазАқпарат тілшісі.

Ұқсас жаңалықтар
Алматы зообағындағы Алькор атты ақ аю 30-ға толды Экология министрлігі өскемендік оқушының видеосына жауап берді Нұр-Сұлтан мен Шымкент тұрғындарына жағымсыз метеорологиялық жағдай ескертілді

Байқоңыр қаласы прокуратурасы өз қадағалау аумағындағы білім ұйымдарының қауіпті қалдықтарды жою заңдылығының жай-күйіне талдау жүргізген болатын. Талдау барысында бірқатар білім мекемелерінде құрамында сынабы бар 2530 дана люминесцентті шамның біршама уақыттан бері жойылмай, заңсыз сақталғаны анықталды. Олардың пайдалану мерзімі өткен, барлығы жойылуға тиіс.

«Сынап пен оның қоспаларында адам ағзасында жиналуға және ағзасына зиян келтіруге қабілетті аса қауіпті уыты жоғары заттар бар. Созылмалы уланудың өрбуінде сынаптың кез келген нысандарынан құралған әртүрлі бұйымдардан, оның ішінде құрамында сынабы бар шамдардан бөлініп шығатын сынап буы аса қауіпті. ҚР Экологиялық кодексінің 293-бабы 2-1 бөлігіне сәйкес, құрамында сынабы бар қалдықтар бөлек жиналып, мамандандырылған кәсіпорындарға кәдеге жаратуға, қайта өңдеуге тапсырылуға тиіс», - деп мәлім етті Қызылорда облыстық прокуратурасының баспасөз хатшысы Ғабит Ұзақбай.

Білім беру ұйымдары аталған заң талаптарын басшылыққа алмай, қауіпті қалдықтарды мектеп ғимаратында заңсыз сақтаған. Соның салдарынан 8 049 оқушы мен 1307 қызметкердің конституциямен кепілдік берілген құқықтары бұзылған.

Прокурорлық ықпал ету актісі енгізіліп, нәтижесінде білім бөлімі мен арнайы мекеме арасында келісімшарт жасалды. Қауіпті қалдықтар жойылды.

Біздің каналымызға жазылыңыз:

Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT