Байқоңырда «Прогресс МС-13» жүк кемесі ұшу кешеніне қойылды

БАЙҚОҢЫР. ҚазАқпарат – Байқоңыр ғарыш айлағында «Союз-2.1а» зымыран-тасығышы «Прогресс МС-13» жүк кемесімен бірге ұшу кешеніне қойылды, деп хабарлайды ҚазАқпарат тілшісі.

Ұқсас жаңалықтар

Жер Күнге барынша жақындады

Жаңа рекордшы ғарышкер әйелдің есімі белгілі болды Қасым-Жомарт Тоқаев: Пайдаланылмай жатқан жерлерді анықтау үшін ғарыштық мониторингілеуді қолдану қажет «Прогресс МС-12» ғарыш кемесі Тынық мұхитына батырылады

«Қазіргі таңда зымыран-тасығыш кемемен бірге Байқоңыр ғарыш айлағындағы № 31 ұшу кешеніне қойылды. Ресейлік зымыран-ғарыш саласының кәсіпорын мамандары бірінші ұшу күнінің кестесі бойынша өз жұмыстарына кірісті. Бүгін жүк кемесінің жүйелері мен агрегаттарына, зымыран-тасығыш пен ұшу кешеніне автономдық сынақ жүріп жатыр», - деп хабарлады Роскосмос баспасөз қызметінен.

«Прогресс МС-13» жүк кемесі «Союз-2.1а» зымыран-тасығышымен бірге 2019 жылдың 6 желтоқсанында Нұр-Сұлтан уақытымен 15 сағат 34 минутта ұшырылады деп жоспарлануда.

Бұдан бұрын хабарланғандай, ғарыш кемесі 1 желтоқсанда көкке көтерілуі тиіс еді, адайда ол кеменің қосымша тексеру жұмыстарына байланысты кейінге қалдырылды.

Ғарыштық жүк кемесі Халықаралық ғарыш стансасына отын, оттегі, ғылыми тәжірибелерге арналған құрал-жабдықтар, медициналық заттар, тамақ пен су, экипажға хабарлама жеткізуі керек.

Автор: Сара Қабиқызы