Байқоңырда Халық спорты ойындары өтті
Ойындардың бас төрешісі, Қызылорда облыстық спорт және дене шынықтыру басқармасының бұқаралық спорт бөлімінің басшысы Ғалым Сиқымовтың айтуынша, жарысқа 7 аудандық, 2 қалалық (Қызылорда, Байқоңыр) команда сапында 1300 адам қатысты.
«Байқоңыр қаласының спорттық инфрақұрылымы осындай деңгейдегі жарыстарды өткізуге мүмкіндік береді. Облыс ойындарындағы жеңімпаздар қыркүйек айында Ақтау қаласында өтетін республикалық ойындарға жолдама алды», - дейді Ғ. Сиқымов.
VI Облыс ойындары бағдарламасына президенттік көпкүрес, мини-футбол, волейбол, пляж волейболы, армрестлинг, гір көтеру, үстел теннисі, стритбол, стрит-воркаут, қазақ ұлттық спорт түрлерінен - қазақ күресі, асық ату, тоғызқұмалақ жарыстары енгізілді.
Жалпыкомандалық есепте Қызылорда қаласының спортшылары бірінші орынды жеңіп алды, 2-орын Жаңақорған ауданына бұйырды. Байқоңыр үшінші орынға тұрақтады.
Қызылорда облысының VIІ Халық спорты ойындары 2022 жылы өтеді.