+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Байқоңыр тұрғындары табиғи газ тұтынатын болды

2020 жылғы 1 желтоқсан 15:10
Бөлісіңіз:
Байқоңыр тұрғындары табиғи газ тұтынатын болды

БАЙҚОҢЫР. ҚазАқпарат - Қызылорда облысына жұмыс сапары барысында Қазақстан Республикасының Энергетика министрі Нұрлан Ноғаев пен өңір басшысы Гүлшара Әбдіқалықова Байқоңыр қаласына барды.

Бұл туралы ҚазАқпарат ҚР Энергетика министрлігінің баспасөз қызметіне сілтеме жасап хабарлайды.

Баспасөз қызметі таратқан мәліметтерге қарағанда, 2019 жылғы 3 сәуірде Мәскеуде Қазақстан Республикасының Президенті Қасым-Жомарт Тоқаевтың Ресей Федерациясына ресми сапары кезінде Қазақстан Республикасының Үкіметі мен Ресей Федерациясының Үкіметі арасында «Байқоңыр» кешенін газбен жабдықтау туралы келісімге (бұдан әрі - Келісім) қол қойылды. Құжат Қазақстан Республикасының 2020 жылғы 26 наурыздағы № 305-VI ЗРК Заңымен ратификацияланды.

Келісім тұтынушыларды сұйытылған газдан табиғи газға көшіруді көздейді және оның мынадай артықшылықтары бар:

- Байқоңыр қаласының тұтынушылары, оның шамамен 60% Қазақстан азаматтары, қолжетімді және экологиялық таза отынмен - табиғи газбен тұрақты қамтамасыз етіледі. Бұл сұйытылған мұнай газына қарағанда әлдеқайда арзан.

2020 жылдан бастап Қазалы қаласы мен Шиелі ауданы Бекежанов кентін газдандыру жобаларын жүзеге асыру басталғанын, бұл өз кезегінде аймақ тұрғындарының әлеуметтік жағдайларын жақсартуға ықпал ететінін атап өткен жөн.

Нұрлан Ноғаев және Гүлшара Әбдіқалықова Байқоңыр қаласындағы «Байқоңырэнерго» өндірістік-энергетикалық қауымдастығы кәсіпорнының» жұмысымен танысты.

Сапар қорытындысы бойынша министр жауапты тұлғаларға бірқатар нақты тапсырма берді.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT