Қолданушы баптаулары
Қолданушы баптаулары
+7 (701) 759 90 19 Лента
USD 375.95 EUR 425.80
RUB 5.74 CNY 55.94
Jańalyqtar

Байқауларға қатысатын оқушылардың жол шығынын өтеуге гранттар бөлінеді

2019 жылғы 13 ақпан 22:21 470
Бөлісіңіз:
Байқауларға қатысатын оқушылардың жол шығынын өтеуге гранттар бөлінеді

АСТАНА. ҚазАқпарат - Республикалық және халықаралық деңгейдегі байқауларға қатысатын балаларға жол шығынын өтеуге гранттар беріледі, деп хабарлайды ҚазАқпарат тілшісі.

«Жас таланттар» жобасының мақсаты - республикалық және халықаралық деңгейдегі шығармашылық байқауларға, олимпиадаларға, ғылыми конференциялар мен спорттық жарыстарға, сондай-ақ мәдени және өзге де іс-шараларға қатысу үшін балаларға жол жүру грантын (авиа, авто, теміржол билеттеріне) бөлу.  

Өтінімдерді 18 жасқа дейінгі баланың ата-анасы немесе асыраушысы, сонымен қатар балалар ұйымдары мен әлеуметтік мекемелердің басшылары бере алады.

«Байқау ережесіне сәйкес грант баланың тек жолақысын жабады. Яғни оның бару және келу жолпұлын ғана өтейді. Сондай-ақ, өтінімдерді қарау кезінде комиссия қатысушының әлеуметтік мәртебесін ескереді. Басты назарда көпбалалы, толық емес отбасылардың балалары мен балалар үйлерінің тәрбиеленушілері болады», - дейді «Samruk-Kazyna Trust» әлеуметтік жобаларды дамыту қоры корпоративтік коммуникациялар департаментінің директоры Мирас Іргебаев.

11 ақпан күні өтінімдерді қабылдау басталды. Байқау ережесімен және өтінім беруге қажетті құжаттар тізімімен қордың сайтындағы «Құжаттар» айдарында танысуға болады. Шешімді «Samruk-Kazyna Trust» қоры мен оның қамқорлық кеңесінің өкілдері, сондай-ақ елімізге танымал қоғам қайраткерлерінен құрылған комиссия қабылдайды.

Айта кетсек, «Samruk-Kazyna Trust» әлеуметтік қоры аталған жобаны іске асырғалы 69 бала жол жүру грантына ие болды. Ал өткен жылы бұл мүмкіндік 27 балаға берілді. Атап айтқанда, балалар Ресей, Әзербайжан, Түркия, Франция, Беларусь, Қытай, Венгрия, Польша, АҚШ, БАӘ-де өткен  шығармашылық байқаулар мен спорттық жарыстарға тегін барып келді.

 

 

 

Біздің каналымызға жазылыңыз:

Басты сөздер: Білім,
Бөлісіңіз:

Автор:

Дәулет Ізтілеу

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT