+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Байбек: Алматылықтар жақсы жолмен күзде емес, жазда жүруі тиіс

2019 жылғы 6 наурыз 15:43
Бөлісіңіз:
Байбек: Алматылықтар жақсы жолмен күзде емес, жазда жүруі тиіс

АЛМАТЫ. ҚазАқпарат - Алматы әкімі Бауыржан Байбек жолдар мен тротуарларды алдағы жөндеу жұмыстарына қатысты көшпелі кеңес өткізді, деп хабарлайды ҚазАқпарат тілшісі.

Қала басшысының айтуынша, көктем келісімен орталық даңғылдарда және аудандық маңыздағы көшелерде шұңқырлардың, ашық құдықтардың көптігі жайлы шағымдар түсе бастаған.

«Тұрғындар жақсы жолмен күзде емес, жазда жүруі керек. Сондықтан, орташа жөндеу жүргізген кезде әр учаскені мерзімдерге бөлу керек. Ағымдағы жөндеу бойынша ұзақмерзімді келісімшарттар жасалды. Яғни, компаниялар заманауи техника сатып алуға ақша салуы керек. Мердігерлер мерзімінен кешіктірсе, айыппұл салынуы тиіс. Аудан әкімдері өздері жеке әр учаскеге барып, заңсыз құрылыс нысандарын сүруге барынша атсалысуы қажет», - деді Бауыржан Байбек.

Қалалық Мобильділік басқармасының басшысы Сағындық Телібаевтың сөзіне сенсек, ауа райы қолайлы болған жағдайда магистральды көшелерді ағымдағы жөндеу небәрі 10-ақ күнге созылады.

Биыл ұзындығы 111 шақырым болатын 120 көше жөнделеді. Бұдан бөлек, 10 шағын ауданда 100 шақырым көше салынады.

Ішіне түсіп кеткен люктердің мәселесі бойынша қазір мердігер ұйымдар қосымша техника сатып алуда.

Сондай-ақ мәлім болғандай, орташа деңгейдегі жөндеу жұмыстары аясында ескі жиектастар мен арық астаулары қаланың шеткі аудандарындағы көшелерді жөндеуге қайта пайдаланылатын болады.

Жұмыс сапары барысында қала әкімі әр құрылыс нысанына жауапты ұйымдар туралы ақпараттық стенд орнатуды міндеттеді.

Біздің каналымызға жазылыңыз:

Басты сөздер: Алматы, Әкім, Құрылыс, Аймақ,
Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT