Қолданушы баптаулары
Қолданушы баптаулары
+7 (701) 759 90 19 Лента
USD 379.29 EUR 426.40
RUB 5.93 CNY 56.58
Jańalyqtar

Бауыржан Байбек ҮАК-де конькимен сырғанаған қыз жайында: Полиция әрекет етуі тиіс

2018 жылғы 7 желтоқсан 15:56 851
Бөлісіңіз:
Бауыржан Байбек ҮАК-де конькимен сырғанаған қыз жайында: Полиция әрекет етуі тиіс

АСТАНА. ҚазАқпарат - Бүгін Орталық коммуникациялар қызметіндегі брифингте Алматы әкімі Бауыржан Байбек Үлкен Алматы көлінің үстінде конькимен сырғанаған қыздың әрекетіне қатысты пікір білдірді, деп хабарлайды ҚазАқпарат тілшісі.

Ұқсас жаңалықтар
Ақмолалық бұрынғы әйелін кепілге алған Боливияда автобус шыңырауға құлап, 11 адам қаза тапты

«Қазақстанның барлық азаматтары сияқты менде оны әлеуметтік желіден көрдім. Іс жүзінде біз әлеуметтік желіге үнемі мониторинг жасап отырамыз. Білуімше, полиция әкімшілік құқықбұзушылық туралы істі тіркейді. Шындыында да ол тамаша жер және көлден су алынады. Дегенмен, су бірден алынады деп ойламаңыздар. Тазарту және өзге де құрылғылар бар. Бірақ, бұл көлде сырғанауға тыйым салынған», - деді Бауыржан Байбек.

Осы ретте қала әкімі полиция мұндай құқықбұзушылыққа әрекет жасауы тиістігін атап өтті.

«Бірнеше күн бұрын ол қыздың кәсіби спортшы екендігін, сырғанағаннан кейін кешірім сұрағанын оқыдым. Әрекетінің дұрыс еместігін түсінді. Алайда, кешірім сұрау заңдық жауапкершіліктен босатпайды. Соған орай полиция да шағым түскеннен кейін әрекет жасауы тиіс», - деді қала басшысы.

Бауыржан Байбек алдағы уақытта мұндай келеңсіз оқиғалардың болмайтындығына сенім артатындығын да баса айтты.

«Меніңше, мұндай оқиға енді қайталанбайды. Ол суды баспады. Қатып қалған мұздың үстімен жүрді. Дегенмен, бұл да дұрыс емес», - деді ол.

Айта кетейік, алматылық студент Ксения Панкратованың Үлкен Алматы көлінде конькимен сырғанауы алматылықтардың арасында екіұдай пікір тудырды.

Кейін Алматы қалалық төтенше жағдайлар департаменті Үлкен Алматы көлінде конькимен сырғанау қауіпті екенін ескертті.

 

 

 

Біздің каналымызға жазылыңыз:

Басты сөздер: Әкім, Қоғам, Алматы, Оқиға,
Бөлісіңіз:

Автор:

Марлан Жиембай

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
MURAǴAT