+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Бауыржан Байбек негізсіз шығындарды қысқартуды ұсынды

2019 жылғы 13 ақпан 13:11
Бөлісіңіз:
Бауыржан Байбек негізсіз шығындарды қысқартуды ұсынды

АЛМАТЫ. ҚазАқпарат - «Нұр Отан» партиясының жиналысында қала әкімі Бауыржан Байбек әлеуметтік мәні бар шешімдерді қабылдар кезде бюджет шығынын тексеріп, оңтайландыру жүргізілетінін айтты, деп хабарлайды ҚазАқпарат тілшісі.

«Универсиаданы еске алайықшы, оңтайландырудың арқасында операциялық шығындардың өзінен ғана 18 млрд теңгені үнемдедік. Былтыр қаланың көшелерін, саябақтары мен скверлерін реконструкциялағанда қаржының 40 пайызын үнемдедік. Өткен аптада қаланы дамыту жөніндегі жобаларды қараған кезде Есентай өзенінің жағалауын реконструкциялау жобасы оңтайландырылды. Бұл жобаны алдымен халықпен бірге талқылап, толықтырып, содан кейін ғана жүзеге асыру қажет. Біз қазірдің өзінде 3,5 млрд теңгені үнемдедік. Жалпы, бірқатар негізсіз шығындардан арылған жөн. Мысалы, Жеңіл атлетика манежінің құрылысы. Оны тағы бір рет мұқият қарап шықсақ, едәуір үнемге қол жеткіземіз деп ойлаймын», - деді Алматы әкімі.

Үнемделген қаржы бұрынғыдай қала тұрғындарының өтініштері негізінде әлеуметтік мақсаттарға жұмсалады.

Атап айтқанда, жаңа жұмыс орындарын құру, әлеуметтік жағынан аз қамтылғандарға, оның ішінде көпбалалы аналарға және басқаларға көмек көрсету спектрін ұлғайту қолға алынады.

«Бүгін Алматы бюджеті әлеуметтік бағытқа негізделген, халықты әлеуметтік жағынан қамтуға бөлінетін қаржы жыл сайын өсуде. Бюджеттің 50% немесе 200 млрд теңгеден астам қаржы денсаулық сақтауға, білім беруге, әлеуметтік жағдайы төмен жандарды қолдауға, коммуналдық шығындарды субсидиялауға, түрлі жәрдем төлемдеріне және басқаларға жұмсалады. Партияның қалалық филиалы, «Нұр Отан» фракциясы мәслихатта түрлі әлеуметтік мәселелерді көтереді. Барлық ұсыныстар жергілікті атқарушы органдарда оң шешімін тауып, қалада ойдағыдай жүзеге асуда. Мысалы, партия фракциясы ұсынысының арқасында 2016 жылдан бастап балабақша төлемі 27 ден 15 мыңға төмендеді. Осы мақсатқа бюджеттен жыл сайын 3 млрд теңгеден астам қаржы бөлініп отыр. 60 мың отбасы балабақшаға аз төлейтін мүмкіндік алды», - деді Бауыржан Байбек.

Қалада соңғы 4 жыл ішінде мемлекеттік тапсырыс есебінен жеке балабақшаларда орын саны 3 есеге артып, 4,7-ден 15,5 мыңға өсті. Жалпы, бала бақшалардың орындарын субсидиялауға жыл сайын 18 млрд теңгеден астам қаржы бөлінеді. Бұл цифр 3 жыл ішінде 2 есе өсті. Бұлардан өзге, көпбалалы отбасылардың 11 сыныпқа дейінгі балалары тегін тамақтанады және мектеп формасымен қамтамасыз етіледі. Мұндай қажеттіліктерге жыл сайын қала 800 млн теңгеден астам қаржы бөлуде. Тұрмысы төмен отбасылардың 4 мыңнан астам балаларының тегін демалысы үшін жыл сайын бюджеттен 230 млн теңге қарастырылған.

Айта кетерлігі, соңғы 4 жыл ішінде партия ұсынысы бойынша көпбалалы отбасылардың мүшелері, мектеп, колледж оқушылары ЖОО студенттері мен зейнеткерлер жолақының жеңілдетілген 50 пайызын ғана төлейді, бұған жыл сайын 5 млрд теңгеден астам қаржы жұмсалады. Жеңілдікпен 350 мыңнан астам адам қамтылған.

Партия бастамасы бойынша түрлі өтемақылар беріледі. Мысалы, 2,3 мың отбасының, оның ішінде көпбалалы аналардың коммуналдық шығындары төленді. Осы категориядағы тұлғалардың үйлеріне есептегіш коммуналдық қондырғылар орнатылып жатыр. Бүгінгі күні 1000-нан астам отбасыға 50 млн теңгеден астам қаржылай көмек көрсетілді.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT