+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Бауыржан Байбек Алматыда азаматтарды қабылдады

2021 жылғы 22 шілде 10:23
Бөлісіңіз:
Бауыржан Байбек Алматыда азаматтарды қабылдады

АЛМАТЫ. ҚазАқпарат - «Nur Otan» партиясы Төрағасының Бірінші орынбасары Бауыржан Байбек Алматыда азаматтарды қабылдады, деп хабарлайды ҚазАқпарат.

Ол 2016 жылы оңтүстік астанада орын алған теракт кезінде қаза тапқан полицей Аян Ғалиевтің отбасымен және 10 бала тәрбиелеп отырған көпбалалы жалғызбасты анамен кездесті деп хабарлайды «AstanaTV» телеарнасына сілтеме жасап.

5 жыл бұрын алматылық полицей Аян Ғалиевтің отбасы асыраушысынан айырылды. Полиция қызметкері террористтің қолынан қаза тапты. Марқұмның зайыбы мен екі баласына Тұңғыш Президент Нұрсұлтан Назарбаевтың атынан сол кездегі қала әкімі Бауыржан Байбек пәтер кілтін табыс еткен болатын. Жаңа қоныс иелерінің тұрғын үйге алаңсыз жайғасуы үшін жөндеу жұмыстарына да көмек берілді. «Содан бері мемлекеттің ғана емес, барша қазақстандықтардың қолдауын сезініп келеміз», - дейді полиция қызметкерінің жесірі Анар Асанова партия Төрағасының бірінші орынбасарымен кездесу барысында.


«Бұл трагедия болған кезде мен балаларымыз, олардың болашағы үшін қатты алаңдадым. Өйткені, біз асыраушымыздан айрылып қалдық. Бірақ, кейін біз жалғыз емес екенімізді ұғындық. Бізге мемлекет, Елбасы ауқымды көмек пен қолдау көрсетті. Бізге сыйға берілген пәтер мен ерекше назар аударғандары үшін алғысым шексіз. Жұбайымның өзі өмірден өтсе де, ол бізге мемлекеттің атынан әлі де көмек беріп жатыр», - деді Анар Асанова.

Бауыржан Байбек көпбалалы ана Айнұр Арғынбековамен де кездесті. Күйеуі қайтыс болған соң 10 баласымен қалған келіншек небір қиын күндерді бастан өткергенін айтты. Қаражаттың тапшылығынан өлместің күнін кешіп, үй-күйсіз жүргенде мемлекет көмек қолын созған. Меценаттардың қолдауымен жалғызбасы ана Алматыдан үш бөлмелі пәтер алды.

«4 жыл бұрын Елбасы атынан Бауыржан Қыдырғалиұлының қолынан пәтер кілтін алдық. Бүгін ол бізді тағы да кездесуге шақырып, хал-жағдайымызды сұрап жатыр. Осындай қамқорлығы үшін рақмет айтамын. Егер мемлекет болмаса, не істерімді тіпті, білмес едім»,- деді Айнур Аргынбекова.

Өз кезегінде «Nur Otan» Төрағасының бірінші орынбасары Бауыржан Байбек азаматтарды қабылдау барысында бүгінде Елбасы, партия Лидері Нұрсұлтан Назарбаев пен Мемлекет басшысы Қасым-Жомарт Тоқаевтың тапсырмасы бойынша әлеуметтік осал топтарға, көпбалалы отбасыларға да ерекше көңіл бөлінетінін атап өтті. «Бақытты отбасы» бағдарламасы қарқынды іске асырылуда.

Бұл мәселеден «Nur Otan» партиясының мүшелері де шетте қалмайды. Жыл басынан бері партияның қоғамдық қабылдаулары 14 мыңнан астам қабылдау өткізіп, 74 мың қазақстандықтың мұң-мұқтажын тыңдады. Өтініштердің 96%-ы оң шешімін тауып, консультативтік, құқықтық және өзге де көмек көрсетілді. Қалған 4% орындалу үстінде. Жалпы, соңғы 2 жылда партия мүшелері жарты миллионнан астам өтініш қабылдады. Олардың 74% интернет арқылы жолданған», - делінген сюжетте.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT