Батысқазақстандықтар Ақтөбеде лаңкестер қолынан қаза тапқандарды еске алды
ҚР Ұлттық ұланы «Батыс» өңірлік қолбасшылығының баспасөз қызметінен түскен мәліметке қарағанда, сол күні үш бірдей әскери қызметкер, майор Даниэль Майлыбаев, кіші сержант Берікжан Қалиев және қатардағы жауынгер Досбол Сапар қазаға ұшыраған болатын.
Мемлекеттік және қоғамдық ұйымдар, құқық қорғау органдарының өкілдері, ардагерлер мен әскери қызметкерлер үш батырдың портреттеріне гүл шоқтарын қойып, бір минут үнсіздікпен еске алды.
«Біз өз Отаны үшін жанын берген ерлерді ешқашан ұмытпаймыз. Олардың батырлығы кейінгі ұрпақ үшін мәңгі өшпес өнеге болып қалады», деді өз сөзінде «Батыс» өңірлік қолбасшысы, генерал-майор Әлібек Сералиев.
«Батыс» өңірлік қолбасшылығы ардагерлер кеңесінің төрағасы, доғарыстағы подполковник Бақытжан Бердиев, қолбасшылық басқармасының бастығы, подполковник Әлішер Әбдірасыл лаңкестерге тойтарыс берген әскери қызметшілердің есімдері ел есінде екендігін, осы орайда «Мәңгілік сапта» шарасының ҚР Ұлттық ұланына қарасты барлық әскери бөлімде ұйымдастырылғанын жеткізді.
Айта кетейік, ерлікпен қаза тапқандардың бірі, батысқазақстандық Берікжан Қалиевтің отбасы (зайыбы төрт баласымен бірге) қазіргі таңда Орал қаласында тұрып жатыр.