Батысқазақстандық парашютшілер Шымкенттен табысты оралды

ОРАЛ. Қарашаның 24-і. ҚазАқпарат /Ғайсағали Ералы/ - БҚО құрамасы Қ.Сыпатаев кубогі үшін Шымкентте парашют спортынан өткізілген Оңтүстік Қазақстан облысының ашық чемпионатынан табысты оралды,

деп хабарлайды ҚазАқпарат тілшісі.

Оған Астана қаласы, Қарағанды, Батыс Қазақстан, Оңтүстік Қазақстан облыстарының командалары және ҚР әуе қорғанысы  күштерінің құрамасы қатысты. Жалпыкомандалық есепте батысқазақстандық жігіттер екінші орынға көтерілсе, қыздар үшінші жүлдені еншіледі. Батысқазақстандық бапкер Андрей Гредасов ерлер арасында жеңімпаз атанды.