+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Батысқазақстандық ақын қатарынан екі айтыста бірінші орынға ие болды

2019 жылғы 24 қазан 11:21
Бөлісіңіз:
Батысқазақстандық ақын қатарынан екі айтыста бірінші орынға ие болды

НҰР-СҰЛТАН. ҚазАқпарат – Қызылорда облысы Жалағаш ауданында «Тарихы терең, еңбегі ерен – Жалағаш» атты республикалық ақындар айтысы мәреге жетті, деп хабарлайды ҚазАқпарат тілшісі.

Ұқсас жаңалықтар
Елордалық өнерпаз кубик рубиктен Жақсылық Үшкемпіровтің портретін жасады National Geographic Түркістандағы Қожа Ахмет Ясауи кесенесінің фотосуреттерін жариялады Үздік шығармашылық ұжымдар онлайн-концерттерін ұсынуда

«Алтын дән – 2019» мерекесі мен Жалағаш ауданының 80 жылдығына арналған жыр додасына республика өңірлері мен қалаларынан 10 ақын қатысып, бақ сынады.

Айтысты ақын, Қазақстанның еңбек сіңірген қайраткері Жүрсін Ерман жүргізді.

Жалағаш ауданының әкімі Қайратбек Әубәкірұлы барлық ақындарға сәттілік тіледі.

Ақын, композитор, Қазақстанның еңбек сіңірген қайраткері, Жалағаш ауданының құрметті азаматы Елена Әбдіхалықова бастаған қазылар алқасының шешімімен қызылордалық Мұхтар Ниязов бас жүлдені (1 млн теңге) жеңіп алды.

Батысқазақстандық Талғат Мықи бірінші, тағы бір қызылордалық Айдос Рахметов екінші, атыраулық Шалқарбай Ізбасаров үшінші орынға ие болды.

Жеңімпаз-жүлдегерлер мен барлық айтыскерлерге аудан әкімінің дипломдары мен қаржылай сыйлықтар табыс етілді.

Айта кетейік, оралдық Талғат Мықи осымен қатарынан екінші айтыста бірінші орынға ие болып отыр.

Өткен аптада Нұр-Сұлтан қаласында Елбасының «Болашаққа бағдар: рухани жаңғыру» бағдарламасы аясында «Nur Otan» партиясының тікелей қолдауымен «Береке бірлігіңде, елім» атты республикалық ақындар айтысы ұйымдастырылған болатын. Мұнда елордалық Еркебұлан Қайназаров бас жүлдені (2 млн теңге) еншілесе, Талғатқа бірінші орын (1,5 млн теңге) бұйырғантұғын. Тағы бір батысқазақстандық Жансая Мусина мен нұрсұлтандық Бекзат Асқаров екінші (1 млн теңгеден), павлодарлық Аспанбек Шұғатаев пен түркістандық Қалижан Білдәш үшінші орыннан көрінген еді.

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT