Қолданушы баптаулары
Қолданушы баптаулары
+7 (701) 759 90 19 Лента
Астана: 17 °С
Алматы: 18 °С
USD 345.55 EUR 401.01
RUB 5.45 CNY 50.98
Жаңалықтар

Батыс Қазақстаннан Ақтөбеге жылқы қуып кеткен барымташылар ұсталды

2017 жылғы 15 қараша 17:58 1574
Бөлісіңіз:
Батыс Қазақстаннан Ақтөбеге жылқы қуып кеткен барымташылар ұсталды

ОРАЛ. ҚазАқпарат -  13 қараша күні белгісіз біреулер Шыңғырлау ауданы аумағынан 22 жылқыны айдап кеткен, деп хабарлайды «ҚазАқпарат» тілшісі.

БҚО ІІД жергілікті полиция қызметінен түскен мәліметке қарағанда, таңертең шаруа қожалығының басшысы ұялы телефонының көмегімен жылқының біріне бекітілген GPS - треккерден түскен белгіге қарап үйірдің көршілес Ақтөбе облысы аумағында екендігін шамалайды. Сол бойда учаскелік полиция инспекторларына және аудандық ішкі істер бөліміне хабар береді. Іздестіру шаралары барысында жылқы үйірі Ақтөбе облысы Қобда ауданы Победа ауылы маңынан табылды. Учаскелік инспекторлардың жедел іс-әрекеті нәтижесінде қашып кетпек болған қос барымташы (екеуі де Ақтөбе облысының азаматтары) ұсталды.


Батыс Қазақстаннан Ақтөбеге жылқы қуып кеткен барымташылар ұсталды 

Қазіргі кезде олар ҚР Қылмыстық іс жүргізу кодексінің 128-бабына сәйкес қамалып, тергеу амалдары жүргізілуде. Күдіктілердің жауаптарына қарағанда, Ақтөбе облысының тағы бірнеше тұрғынының осы қылмысқа қатысы бар екені анықталды.


Батыс Қазақстаннан Ақтөбеге жылқы қуып кеткен барымташылар ұсталды 

Айта кетейік, өңірде биылғы он айда тіркелген мал ұрлығы 27,9 пайызға (484-тен 349-ға) қысқарды. Жыл басынан бері 1774 мал ұрланып, соның 1302-сі немесе 73,3 пайызы иелеріне қайтарылды. 


Батыс Қазақстаннан Ақтөбеге жылқы қуып кеткен барымташылар ұсталды 

 


Бөлісіңіз:

Автор:

Елжан Ералы

Онлайн қызметкерлер
Редактор
Жанат Қапалбаева
Жанат Қапалбаева
954-059
Мұрағат