+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Батыс Қазақстанға 62 мыңнан астам доза ресейлік вакцина жеткізілді

2021 жылғы 18 маусым 13:52
Бөлісіңіз:
Батыс Қазақстанға 62 мыңнан астам доза ресейлік вакцина жеткізілді

ОРАЛ. ҚазАқпарат – Батыс Қазақстан облысына 16 маусым күні 62540 доза ресейлік «Спутник V» вакцинасының ІІ компоненті жеткізілді.

Ұқсас жаңалықтар
Атырау облысында инфекциялық стационарлардағы науқастар 4 есеге азайды Жаңа қаулы: Павлодарда ғимараттарды корпоративтік шара үшін жалға алуға тыйым салынды Жаңа қаулы: Павлодарда вакцина алмаған кәсіпорын жұмысшылары жұмыстан шеттетіледі

Бұл туралы бүгін облыстық денсаулық сақтау басқармасы басшысының міндетін атқарушы Арман Қалибеков өңірлік коммуникациялар қызметі алаңында өткен брифингіде мәлім етті, деп хабарлайды ҚазАқпарат тілшісі.

Оның айтуынша, вакцина өңірдегі барлық медицина ұйымдарына бөлініп берілген.

Қазіргі таңда медицина қызметкерлері тұрғындарды егілуге шақырып, вакцинациялау жұмыстарын жалғастыруда.

Арман Талғатұлының сөзіне қарағанда, науқан басталғаннан бері облысқа барлығы 269100 доза (148050-і – бірінші, 121050-і – екінші компонент) келіп түсті. Соның ішінде 136560-ы (105550-і – І, 93550-і – ІІ компонент) – Ресейде өндірілген «Спутник V» вакцинасы.

Сондай-ақ 4 мың доза (2 мыңы – І, 2 мыңы – ІІ компонент) отандық «QAZVAС» вакцинасы, 50 мың доза (32500-і – І, 17500-і – ІІ компонент) Біріккен Араб Әмірліктерінде өндірілген «Hayat - Vax» және 16 мың доза (8 мыңы – І, 8 мыңы – ІІ компонент) қытайлық «CoronaVac» вакцинасы жеткізілген болатын.

Облыс бойынша 80867 адам вакцинаның бірінші, 44543-і екінші компонентімен егілді.

«Халықты COVID-19 індетінен қорғаудың жалғыз әрі тиімді жолы вакцинациялау болып табылады. Дүниежүзілік денсаулық сақтау ұйымының ұсынымы бойынша ұжымдық иммунитет қалыптастыру үшін халықтың 60 пайыздан кем емес бөлігі вакцинациялануы тиіс. Вакцина белгілі бір ауруға қатысты арнайы иммунитеттің қалыптасуына ықпал етеді. Екпе алған адам ауырмайды, сырқаттанған күннің өзінде ауру жеңіл өтеді. Сондықтан тұрғындардың вакцина алуда белсенділік танытқаны жөн», деді А.Қалибеков.

Еске сала кетейік, бұдан бұрын Батыс Қазақстан төрт күнде 250-ден астам адамнан коронавирус табылғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT